Спорт
Реал Мадрид му нуди на Мбапе нешто што сите пари на ПСЖ не можат да го купат
Милионите кои ги нуди еден од најбогатите светски клубови, Пари Сен-Жермен, се супер-привлечни за речиси сите фудбалери на планетата. Фантастични плати, живот во „градот на светлината“, огромен број на фудбалски фанови и борба за крајната цел, Лигата на шампиони.
Зошто тогаш Килијан Мбапе толку очајно сака да замине од клубот кој успеа да го донесе дури и Лионел Меси во неверојатно трансфер-лето? Зошто привлечноста на Реал Мадрид е толку голема за 22-годишниот Мбапе, кој следното лето практично може самиот да бира каде ќе игра по крајот на договорот со францускиот клуб?
Мбапе беше еден од клучните играчи за ПСЖ во првите три меча досега во ПСЖ, со еден гол и две асистенции, покажувајќи дека е во одлична форма, и можеби со желба да покаже на менаџментот на клубот нешто, посебно на спортскиот директор Леонардо, со кој има „студени“ односи.
Со Нејмар уште на „одмор“ по настапите на Копа Америка, и со Лионел Меси уште недоволно подготвен да игра, Мбапе беше во фокусот на ПСЖ. Кога ќе се вратат другите две ѕвезди во тимот, од лидер на тимот ќе стане само уште еден фудбалер.
Во Мадрид, пак, посебно на „Сантијаго Бернабеу“, каде што клубот ќе се врати на 12 септември, тој нема да биде само ѕвезда, туку ќе биде „ѕвездата“. Галактикос. И секако, Реал Мадрид не е обичен фудбалски клуб. Освојувачот на 13 европски титули во својот бел дрес ги имал најголемите имиња во историјата на фудбалот – од Алфредо ди Стефано и Ференц Пушкаш, до Зинедин Зидан, бразилскиот Роналдо и Кристијано Роналдо. Клуб кој инспирирал милиони деца низ светот, вклучувајќи го и Мбапе.
Фотографијата на 14-годишниот Мбапе во својот кревет во академијата на Монако со постери на Роналдо и Реал Мадрид, го следат од неговиот фудбалски почеток. Сега, Мбапе има уникатна шанса да започне нова ера на клубот.
По заминувањето на Роналдо во Јувентус во 2018, клубот како да беше во „зимски сон“ – минатата година не донесоа ниту едно засилување, со ветување дека следниот потпис на претседателот Флорентино Перез ќе биде „галактико“. Мбапе би требал да го гради тимот околу ѕвездите во години како Карим Бензема, Лука Модриќ и Тони Крос.
Реал Мадрид му нудат на Мбапе можност да го оствари својот фудбалски сон од детството и да ги надмине сите фудбалски граници. Тоа, сите милиони на ПСЖ не можат да го платат.
Леонардо признава: Мбапе сака да замине, Реал Мадрид се однесуваат „нелегално“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.