Македонија
Попов на маалска средба во Кисела Вода : Со СДСМ е сигурен локалниот и регионалниот развој
Организациониот секретар на СДСМ Мартин Попов заедно со градоначалникот на општина Кисела Вода, Филип Темелковски одржаа маалска средба каде со граѓаните разговараа за се она што досега е направено и за се она што следи во оваа општина.
„СДСМ секогаш носи политики кои се во полза на граѓаните. Во изминатите четири години за општина Кисела Вода се направи многу и во сите области. Реконструирани беа 16.7 километри регионални патишта а во тек е надградба на локалната патна мрежа.
Регионалниот пат Јурумлери- Драчево, како и Драчево- Орешани – Таор се завршен во 2019 година. Од локалните патишта во тек е реконструкција на улицата Живко Фирфов, реконструкција и рехабилитација на коловоз на улица 1 во с. Усје, а во 2020 година завршени се улиците Саса и Јабланица во населбата Пинитија, коловозот на улицата Сердарот во село Драчево“ истакна Попов.
Попов посочи и за инвестициите во подобрување на условите за најмалите, во тек е изградба и опремување на градинката во Драчево која ќе биде со капацитет од 120 деца. Покрај ова се инвестираше во замена на нееколошкиот систем за греење во градинката ЈГД 8 Март, клоновите Пеперутка 1 и 2, санација на покрив, санитарни јазли и дел од подна плоча во училиштето Златен Сремец како и во ОУ Кузман Шапкарев во Драчево. Инвестираме и во комунална инфраструктура, во тек е изградбата на секундарна пречистителна станица во Драчево.
За нас секој човек е важен, секоја општина е важна. Тоа е СДСМ! Секогаш го имаме најдоброто за граѓаните, СДСМ работи и ќе продолжи да работи заедно со граѓаните на секој град на секоја општина, на секое населено место, граѓаните од секоја етничка заедница.Се што граѓаните ќе побараат ќе биде нотирано, анализирано и проектите кои се реални и остварливи ќе бидат дел од предизборната програма која понатаму ќе стане Програма за работа на општината, заклучи организациониот секретар Попов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Николоски од Гевгелија: Во исто време се градат 10 спортски игралишта, така ќе продолжиме да работиме веднаш по формирање на новата влада од ВМРО-ДПМНЕ
„Навистина е големо задоволство да се присуствува повторно на отворање на проекти кои што ги реализира општина Гевгелија. Честитки за градоначалникот навистина импресивно во исто време се градат 10 спортски игралишта, 10 вакви комплекси и со училиштата во општината мислам само зборува за тоа колку работи општината и градоначалникот“, рече Александар Николоски, потпретседател на ВМРО-ДПМНЕ и носител на изборна единица 4.
„По парламентарните избори и извесната победа на ВМРО-ДПМНЕ и формирањето на влада предводена од ВМРО-ДПМНЕ, ние ќе помагаме многу во општина Гевгелија. Знаете дека планираме да ги децентрализираме буџетските средства и сериозна сума на средства планираме да се впуштаат тука во Гевгелија како би се решиле сите инфраструктурни проекти. Секако тука доаѓа и инвестирањето во економскиот развој, има сериозна индустрија во Гевгелија, пред се во земјоделскиот сектор или преработувачка индустрија, каде планираме да дадеме сериозна поддршка, пред се на извозните фирми.
Она што исто така би сакал да го споменам, можеби и нема подобро место од Гевгелија, тоа е поврзано со нашата сериозна одлука да ги испратиме ДУИ во опозиција и да одговараат за криминалот.
Мислам дека од овде е право време и место да повторно го прашам Артан Груби каква е неговата улога во индициите за криминал што ги има во Лотарија на Македонија, зошто токму тој притискаше толку силно за измените на Законот за игри на среќа, која е неговата улога во нелегалното доделување на втора лиценца за видео лотарија, како и која е неговата улога во нелегалното доделување на три лиценци за онлајн игри на среќа. Од една страна велеа дека сакаат да ги отстранат местата за обложување за да не се обложувале децата, а од друга страна дадоа три лиценци за онлајн игри на среќа при што на секое дете веќе на телефон му е веќе можноста да се обложува што секако ќе се согласите не е во ред.
Сето ова ќе го испитаме по парламентарните избори и по формирањето на влада на ВМРО-ДПМНЕ без ДУИ, а мислејќи дека и имајќи во предвид дека Артан Груби не сака да одговори на јавноста ќе треба да одговара пред соодветните органи во Република Македонија“, изјави Александар Николоски, потпретседател на ВМРО-ДПМНЕ и носител на изборна единица 4.
Македонија
Игор Димески: Левица ќе направи сè, за да се институционализираат барањата на бранителите од 2001
Денес, Носителот на ИЕ6, Игор Димески од Левица, во Тетово имаше средба со бранителите од 2001 година.
Од населбата Два Бреста во Тетово, во паркот кај споменикот Иљо Антевски-Смок, Димески порача:
„Левица ќе направи сè, за да се институцијализираат барањата на бранителите. Потребен е нов закон за бранители, за да не бидат третирани како граѓани од втор ред, како што е во моментов”.
Бранителите ги изнесоа своите барања и нереализирани ветувања од претходните власти, кои останаа само празни усни ветувања. Исто така, бранителите ги поздравија заложбите на Левица, истакнати од Димески, соопшти Левица.
Македонија
„Поединци на Европскиот фронт избегаа од Али и се во секојдневна комуникација со Мицкоски“, рече Изет Меџити
Лидерот на Демократското движење и носител на Листата за пратеници во првата единица на коалицијата ВЛЕН, Изет Меџити изјави дека Европскиот фронт ќе се распадне по изборите на 8 мај, притоа потенцирајќи дека експонентите на ЕФ веќе контактираат со Мицкоски.
„Не знам што ќе остане од Фронтот, бидејќи отсега некои поединци на Европскиот фронт избегаа од Али и се во секојдневна комуникација со Мицкоски. И некои експоненти јавно кажаа, како што е господинот Тачи, малите заедници, така што не знам што ќе остане од Фронтот“, рече Меџити.