Спорт
Црвено или сино? Гигантите од Манчестер во борба за потписот на Роналдо
Иако се веруваше дека Манчестер сити се единствената опција за Кристијано Роналдо по веќе потврденото заминување од Јувентус, сега неговиот стар клуб, Манчестер јунајтед сериозно влегува во битка за неговиот потпис, јавуваат повеќе британски и италијански медиуми.
Претходно се тврдеше дека Роналдо веќе ги договорил личните услови со „граѓаните“, но сега италијанскиот експерт за трансфери, Фабрицио Романо тврди дека од вчера вечер Јунајтед се во контакт со агентот на Португалецот, Жорге Мендеш и дека се „сериозно заинтересирани“ да го вратат во дресот на „ѓаволите“.
На ова се надоврзаа и денешните одговори на прес-конференцијата на менаџерот и поранешен соиграч на Роналдо, Оле Гунар Солскјер, кој посочи дека ако си играл за Манчестер јунајтед, не можеш да играш за Манчестер сити. Солскјер исто така изјави дека е во контакт со Роналдо преку Бруно Фернандеш со зборовите „да видиме што ќе се случи“.
„Не сакам да шпекулирам. Кристијано е легенда на клубот, најголемиот играч на сите времиња. Имав среќа да играм со него. Се работи за неверојатен човек и ќе видиме што ќе се случи, секој кој играл со него знае што носи во тимот. Имаме добра комуникација, знам дека Бруно зборуваше со него и тој знае што чувствуваме за него и ако си замине од Јувентус знае дека сме тука“, изјави Солскјер.
Пеп Гвардиола, пак, вели дека Роналдо ќе одлучи каде ќе игра.
„Има неколку фудбалери, како Кристијано Роналдо и Лионел Меси, секако, кои сами одлучуваат каде ќе играат. Тие ја имаат главната улога во преговорите и желбите им се остваруваат. Јас имам позиција дека сум презадоволен од тимот кој ог имам. Кристијано ќе реши каде сака да игра, не Манчестер сити, ниту јас“, изјави Гвардиола.
Manchester United are preparing their official contract proposal to Cristiano Ronaldo! Jorge Mendes will receive it soon. Man Utd are “confident” now. ??? #MUFC #Ronaldo
Paul Pogba is currently not involved in any talk. Man City are OUT of the race for Cristiano Ronaldo. pic.twitter.com/Ay4GUZfduS
— Fabrizio Romano (@FabrizioRomano) August 27, 2021
Cristiano Ronaldo told to Jorge Mendes he’s “open to join Manchester United” for incredible comeback. Contract to be sent in the next hours – Man Utd discussing with Cristiano and Mendes deal until June 2023. ??? #MUFC
Manchester City have never sent an official proposal.
— Fabrizio Romano (@FabrizioRomano) August 27, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.