Спорт
Модриќ е повреден – отпадна од комбинација против Русија и Словачка

Хрватската фудбалска репрезентација во среда на стадионот „Лужники“ во Москва ќе игра против Русија во меч од 4. коло во квалификациите за СП во Катар 2022 година.
Селекторот Златко Далиќ на овој меч нема да смета на услугите на Лука Модриќ кој отпадна поради повреда на коленото,потврдија денеска и од Хрватскиот фудбалски сојуз.
Модриќ нема да биде во составот ниту идната сабота кога „коцкастите“ ќе гостуваат кај Словачка, а евентуално негово приклучување на репрезентативните колеги може да се очекува на третиот меч од септемвриските квалификации, на 7. дниот месец на „Пољуд“ против Словенија.
Модриќ се повреди на тренинг пред минатонеделниот меч против Леванте (3-3). Вечерва него ќе го нема ниту на гостувањето на „Кралевите“ кај Бетис.
ℹ️ Zbog ozljede aduktora, hrvatski kapetan i veznjak madridskog Reala, @lukamodric10, neće doći na okupljanje reprezentacije koje je zakazano za ponedjeljak 30. kolovoza. Otvorena je mogućnost da se kapetan priključi suigračima u Splitu za utakmicu protiv Slovenije.#Vatreni? pic.twitter.com/6zCIxHUqsA
— HNS (@HNS_CFF) August 28, 2021
По 3 квалификациски кола за Мундијалот, Хрватска го дели првото место со Русија, со по 2 победи и 1 пораз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Синер му предаде на Алкараз, Шпанецот го освои Синсинати

Шпанецот Карлос Алкараз ја освои титулата на Мастерсот во Синсинати.
Во финалето, Алкараз славеше по само дваесет минути игра против најдобриот тенисер во светот и бранител на титулата Јаник Синер.
Синер го предаде натпреварот при водство на Алкараз 5:0 во првиот сет. Се уште не е познато за каква повреда станува збор.
Италијанецот се држеше во неколку наврати во пределот на стомакот, па може да станува збор и за вирус. Како и да е, тој донесе одлука дека е подобро да се предаде и да не го загрози својот настап на Отвореното првенство на САД.
Што се однесува до самиот натпревар, тие дваесетина минути минаа во целосна доминација на Алкараз.
За краток период, тој направи дури три брејка против противник кој, во најголем дел, само статираше на теренот.
Пред последниот гем во првиот сет, во кој Алкараз требаше да сервира, Синер седна на клупата и му рече на судијата Мохамед Лајани дека му е жал за навивачите, но дека не може да продолжи.
Тој исто така нагласи дека морал да се обиде, што имплицира дека здравствените проблеми се појавиле пред почетокот на мечот.
Foto/ X
Спорт
Интер сака да го врати Онана

Интер наводно повторно ја следи ситуацијата со својот поранешен голман Андреа Онана откако Манчестер јунајтед го изостави од составот за отворањето на сезоната во Премиер лигата.
Според „Сан“, италијанскиот клуб внимателно го следи неговиот статус бидејќи има сè повеќе шпекулации за иднината на Камерунецот на „Олд Трафорд“. Се додава дека Интер е заинтересиран за враќање на 29-годишникот, кој замина во Јунајтед во 2023 година.
Од неговото доаѓање, тој не ја оправда отштетата од 56 милиони евра, а со оглед на тоа што тренерот на Интер бара нов голман, додека Јан Сомер во моментов е прв избор, враќањето би можело да стане реална опција.
Фото/ Принтскрин
Спорт
Лукаку ќе го пропушти првиот дел од сезоната

Тежок удар за Наполи пред почетокот на сезоната во Серија А во која ја бранат титулата. Ромелу Лукаку се повреди и го очекува подолга пауза.
Напаѓачот кој минатата сезона забележа дабл-дабл учинок од 14 гола и 11 асистенции го повреди квадрицепсниот мускул и ќе му биде потребна операција. Се очекува да отсуствува четири до пет месеци.
Огромен проблем за Конте и Наполи. Бидејќи сега Наполи како класичен напаѓач го има само Лоренцо Лука засилувањето од Удинезе.
Затоа е јасно дека Наполи ќе мора да се активира на пазарот. Според првите информации, целта е Расмус Хајлунд од Манчестер јунајтед. Идејата на Наполи е да го доведе на позајмица.
Сепак, Наполи не е единствениот што е заинтересиран за Данецот. Милан е во игра веќе некое време и преговара со „црвените ѓаволи“ и го сака Хојлунд во случај да не постигнат договор со Душан Влаховиќ. Како што стојат работите, Хојлунд е на добар пат да се врати во Серија А.