Регион
Вучиќ задоволен од посетата на САД, наскоро очекува резултати
Српскиот премиер Александар Вучиќ е задоволен од својот тридневен престој во САД и убеден е дека Белград ќе добие силна поддршка од Вашингтон во евроинтеграциските процеси, а српската економија дополнителни инвестиции од американските компании.
По завршувањето на серијата разговори со американските функционери, меѓу кои сенатори конгресмени и претставници на Белата куќа, како и челници на неколку водечки компании и претставници на деловната заедница, српскиот премиер Александар Вучиќ оцени дека Белград „во следните два три месеца ќе добие јасен одговор“ за отворање на преговарачките поглавја со Европската унија, како и за проширување на инвестициските претпријатија од САД кои веќе работат во Србија или доправа имаат намера да започнат работа.
„Граѓаните ќе имаат значителна полза во иднина, во смисла на политичката стабилност, напредувањето кон ЕУ, американските инвестиции и подобар живот за нашиот народ“, изјави Вучиќ за Радиотелевизија Србија (РТС), оценувајќи дека Србија порано „не ги разбираше добро меѓународните односи“, како и дека „не можеше да ги информира своите пријатели што за неа е важно“.
На крајот од официјалната тридневна посета на САД, Вучиќ порача дека „Србија е сигурен партнер на Западот“, како и дека нејзината стратешка цел е ЕУ, но и дека сака подеднакво и добри односи со Русија.
„Сакаме да ги сочуваме добрите односи со Русија. Тие се наши традиционални пријатели, но нашата стратешка цел е да бидеме дел од ЕУ. Тоа не е некој вид политика на балансирање, во која еден ден можете да одите на едната страна, а другиот ден на другата страна“, дополни српскиот премиер истакнувајќи дека воведувањето санкции против Русија не би било добро за Србија бидејќи би се уништиле традиционалните односи, како и дека со тоа би се нанела сериозна штета на економијата на земјата.
Вучиќ повтори и дека на своите американски домаќини им рекол дека „признавањето на независноста на Косово не би било реалистично“.
Во текот на посетата на САД, планираната средба со потпретседателот Џозеф Бајден, на чија покана Вучиќ допатува во Вашингтон, беше откажана поради смртта на неговиот син Бо Бајден./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.