Црна хроника
Приведен тетовец осомничен дека ги пресекол цевките за довод на кислород во тетовската болница
Приведен 42-годишен жител на тетовското село Желино поради сомнение за инволвираност во оштетувањето на двете бакарни цевки во кругот на тетовската Клиничка болница. Инцидентот беше пријавен на 23 овој месец.
Тогаш од болницата беше соопштено деека оштетени биле две споредни цевки што носат кислород од централниот систем до првиот објект – ургетно-дијагностичкиот центар, а снабдувањето до ковид-одделенијата одело непречено преку главната цевка.
Во ургентно-дијагностичкиот центар немало пациенти и на тој начин не дошло до поголеми последици.
Од увидот било утврдено дека со метален предмет било удирано врз цевките, едната била пресечена, а другата свиткана.
Според информациите од МВР, се работи за А. Р., кој вчера попладне бил приведен на улицата Илинденска во Тетово.
Се преземаат мерки за расчистување и документирање на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.