Македонија
(Видео) Арсовски: СДСМ нуди стари и истрошени кадри, ниту еден човек со кредибилитет не им се нафаќа

СДСМ нуди стари и истрошени кадри, ниту еден човек со кредибилитет не им се нафаќа да биде жртвено јагне во пресрет на очигледниот пораз, истакна денеска портпаролот на ВМРО-ДПМНЕ, Димче Арсовски, како реакција на 17-те кандидати за градоначалници кој попладнево ги соопшти генералниот секретар на СДСМ, Љупчо Николовски.
„Кандидатите на СДСМ за градоначалници се лица кои смениле и по неколку функции до сега, воопшто не се нови како што велат, многу се подмитливи и тоа се виде по неколку афери кои излегоа за нив и се луѓе со сомнително бизнис-минато.
Според наши информации, кандидатот на СДСМ за Битола, Христо Кондоски, е лице со криминално минато, кој во 2009 година е осуден на условна казна затвор за тешка телесна повреда, а и пред тоа против него се водени неколку постапки пред органите на прогонот. Дали ова е така, нека одговорат од СДСМ. Очигледно таму имаме за кандидат насилник во најава“, посочи Арсовски,
Потоа тој се осврна на кандидатите на СДСМ за градоначалници во Центар, Куманово и Струмица.
„СДСМ велеа дека нивните градоначалници во овие општини се едни од најуспешните, за сега со смената да признаат дека ништо не сработиле нивните досегашни градоначалници.
Горан Герасимовски, кој Љупчо Николовски го промовираше како нов човек за Центар, е всушност стар кадар, тој е актуелен директор на Државниот завод за индустриска сопственост. Тоа е принципот на СДСМ и начинот на кој го сфаќаат поимот нов кадар – лица кои смениле и по неколку функции во државата.
Најнов кадар според нивниот принцип мораме да се согласиме им е Костадин Костадинов, миленикот на Заеви, кој ќе остане запаметен по низата скандали, како дружбите со осудените во Рекет, но и тоа како од позиција на власт си ја вработи половина фамилија во државните институции.
Од новите кадри на Заев го гледаме и Оливер Илиевски, кој е актуелен директор на ЈП Водостопанство ‘Кумановско – Липковско Поле’ и послушник на партиската централа во градот. Илиевски нема ниту еден проект зад себе како директор, иако неколку години го води ова јавно претпријатие, а пола Куманово зборува дека е со сомнително минато и вклучително таква најава има доколку би станал градоначалник“, посочи портпаролот на ВМРО-ДПМНЕ и додаде дека време е граѓаните да стават крај на ваквите решенија и политики и да изберат чесни и професионални кадри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: Меѓусебната заштита на Коцевски со СДС и ДУИ е причина за 2% доверба во судството

СДС ги штитат корумпираните обвинители и судии бидејќи им овозможуваат закрила на нивните функционери, велат од ВМРО-ДПМНЕ.
„Клиентелизмот на Коцевски е гаранција за заштита и неказнивост на функционерите од СДС и ДУИ.
Поддршката што Коцевски ја доби од Филипче е меѓусебна заштита која ја гуши правдата во државата. Бидејќи доколку падне Коцевски, ќе се отворат врати за истраги како против Филипче така и за останатите функционери од СДС и ДУИ.
СДС со негласањето на интерпелацијата целосно се разголи, и на виделина пред јавноста излезе спрегата помеѓу СДС, ДУИ и Коцевски.
Очигледно е дека СДС и ДУИ стојат зад заштитата на Коцевски, кој за возврат не презема ништо за наводните злоупотреби и сомнежи за висоока корупција како и сомнителни тендери поврзани со Филипче, Заев и Ахмети.
Со одбивањето да ја поддржат интерпелацијата, СДС и ДУИ јасно покажаа кој го поставал Коцевски и кој го одржува на функцијата, јавниот обвинител Коцевски.
Се додека Коцевски е на позицијата, довербата во правосудството ќе биде помала од 2%, а одговорност за криминалите поврзани со СДС и ДУИ нема да има.
Доколку постои грам морална одговорност кај Коцевски, треба да ја препознае пораката од јавноста и да си поднесе оставка.
На Македонија и се неопходни темелни реформи во судството, правосудство растеретено од политички влијанија каде судиите и обвинителите ќе носат одлука врз основа на законите и Уставот а не под влијание на партиските интереси на СДС и ДУИ.
Во Македонија неопходно е правдата да завладее, неопходни се коренити реформи и трансформација на судскиот систем“, пишува во соопштението на ВМРО-ДПМНЕ.
Македонија
Времето денеска сончево со мала до умерена облачност, попладне локален пороен дожд и грмежи

Времето денеска ќе биде сончево со мала до умерена локална облачност.
Ќе дува слаб до умерен ветер претежно од југоисточен правец.
Попладне ќе има изолиран развој на нестабилна облачност со локален пороен дожд и грмежи.
Минималните температури ќе се движат од 12 до 20, а максималните од 26 до 36 степени целзиусови.
Во Скопје, сончево со мала до умерена облачност. Ќе дува слаб ветер од југоисточен правец. Минималната температура ќе биде 17, а максималната дневна ќе достигне 36 степени.
Македонија
Бендевска: Да го продолжиме заветот од Илинден и пораката од АСНОМ

По повод 2 Август – Денот на Републиката, во име на претседателот на Собранието на Република Северна Македонија, Африм Гаши, потпретседателката на Собранието на Република Северна Македонија, Весна Бендевска, заедно со собраниска делегација во состав: Бране Петрушевски, Никола Коњановски, Даниела Николова и Даниел Стојчевски, одбележа 81 година од Првото заседание на АСНОМ, во Меморијалниот центар АСНОМ во Пелинце.
„На хероите на двата Илиндена кои се жртвуваа за денес да можеме да бидеме свои на своето, да им ветиме уште еднаш дека денешните генерации нема да го заборават заветот што ни го оставија. Да ги насочиме нашите погледи, стремежи и напори од заедничкото минато, кон заедничката сегашност и иднина. Да го продолжиме заветот од Илинден и пораката од АСНОМ“ – порача потпретседателката Бендевска.