Црна хроника
Тодоровски: Обработуваме криминални групи кои шверцуваат хероин во регионот
Директорот на Бирото за јавна безбедност, Љупчо Тодоровски потврди дека еден од краците преку кој што доаѓа хероинот во Европа е Балканот, Македонија, Косово и Албанија, како и што стои во најновиот извештај на Европол
Полицијата преку меѓународната операција „Беса“ детектирала повеќе криминални групи кои што го работат овој „црн бизнис“, па во рамките на таа операција направиле и неколку реализации.„Во таа операција или во таа меѓународна обработка, обработуваме повеќе криминални групи кои што се активни и во Македонија, и во Албанија, и во Косово и ја утврдуваме нивната поврзаност. Добрата соработка со турската и австриската полиција ни даде одлични резултати на меѓународен план и овие заплени што ги имаме и деновиве и претходно беа резултат на одличната соработка со нив, размена на информации затоа што информациите за наши криминални групи кои што ние овде ги откриваме, ги разменуваме со колегите од странство“ изјави Тодоровски.Тој вели дека дополнително ќе го разгледаат извештајот на Европол. Хероин низ Балканот поминува, но Тодоровски вели дека количината на хероинот што поминува низ Русија, Украина и Полска е многу поголем. Пред неколку години кога се формираше СЕПКА, асоцијација на директори на полиции од регионот кои започнаа заеднички да ги обработуваат групите кои што тргуваат со дрога во овој регион.„Беса“ нема да заврши може ќе премине во друго име, поради тајност на размена на податоците, но во суштина тоа е тоа, нема никогаш да прекине се додека има трговија со хероин“, вели Тодоровски.Во најновиот извештај на Европол за организираниот криминал на Балканот, се оценува дека овој регион е централниот дел за шверц на наркотици во и од Европската унија (ЕУ). Во извештајот се наведува и дека во регионот делуваат мултинационални криминални групи кои се сконцентрирани на Косово, Македонија и Албанија, а дека дел од средствата се издвојуваат за поддршка на вооружени организации, како што е Ослободителната војска на Косово. Као што стои во извештајот на Европол, хероинот од Турција и Латинска Америка се складира во овој регион пред тој да биде транспортиран во ЕУ, додека марихуаната која се продава во земјите од Унијата се произведува на Балканот. Европол предупредува дека регионот е исклучително важен за шверц на хероинот и покрај постоењето на многу „подобри“ патишта низ југоисточна Европа, и фактот дека трговијата со наркотици мора да престане како овие земји би влегле во ЕУ. Исто така како пример се наведува дека контејнери со кокаин кои минуваат низ северните и југозападните пристаништа се истоваруваат во црногорските пристаништа за потоа да бидат транспортирани на пазарот во ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Полицијата во патничко возило со скопски регистарски ознаки пронашла 11 мигранти
На влезот во гевгелиското село Богородица, полициски службеници од Полициската станица за граничен надзор и гранични проверки Богородица во патничко возило „ауди“ со скопски регистарски ознаки вчера пронашле 11 лица мигранти.
МВР денеска осопшти дека вчера во 03.50 часот полицијата во патничко возило „ауди“ со скопски регистарски ознаки пронашла 11 лица мигранти, од кои пет лица од Сирија и шест лица од Република Турција.
– Откако ги забележал полициските службеници, возачот на возилото го напуштил местото. Мигрантите биле сместени во прифатно – транзитен центар во Гевгелија. Се преземаат мерки за расчистување на случајот, се појаснува во соопштението од МВР.
Црна хроника
ДУИ го осуди нападот врз претседателот на ФФМ
ДУИ го осуди вчерашниот напад врз претседателот на Фудбалската федерација Муамед Сејдини и изрази загриженост дека ова треба да биде силен аларм дека меѓуетничките тензии во земјата се зголемени.
„Овој инцидент се случува во време кога Владата се однесува како „бик во продавница за порцелан“, игнорирајќи ја и маргинализирајќи ја улогата на Албанците во јавниот и институционалниот живот и потценувајќи ја важноста на меѓуетничките односи. Ваквите постапки, кои доаѓаат во недела со серија други инциденти со етничка заднина, само дополнително ја влошуваат ситуацијата и создаваат опасна атмосфера за меѓуетничкиот соживот“, пишува во соопштението на Демократската унија за интеграција.
ДУИ тврди дека претседателот на ФФМ бил нападнат само поради неговата етничка припадност.
„Овој напад се случува и во контекст на голем неуспех во процесот на европска интеграција, што предизвика длабоко разочарување и ги затемни перспективите и надежите на нашите граѓани. Навредливите изјави на министерката за образование, која ги навреди вработените Албанци, нарекувајќи ги „неписмен народ”, дополнително ги зголемуваат тензиите и поделбите во општеството“, се вели во соопштението на партијата.
ДУИ ги повикува органите да реагираат брзо и професионално за да го расчистат овој случај, а Владата сериозно да размисли за важноста на зачувувањето на меѓуетничките односи и да ги почитува принципите на правично и еднакво застапување на сите граѓани.
Црна хроника
Тешко повреден 72-годишен возач на електричен тротинет
Вчера околу 19.25 часот во СВР Куманово било пријавено дека на ул.„Доне Божинов“ се случила сообраќајна несреќа помеѓу мопед „пежо“, управуван од Д.М.(18) и електричен тротинет управуван од Џ.И.(72), двајцата од Куманово.
„Во несреќата со тешки телесни повреди се здобил возачот на тротинетот, констатирани во Општата болница во Куманово“, информираат од МВР.
Извршен бил увид од увидна екипа на СВР Куманово.