Спорт
Мартинез: Во Арсенал заминав не од спортски туку од финансиски причини
Емилијано Мартинез, репрезентативниот голман на Аргентина, преку ноќ стана еден од најдобрите голмани во Премиер лигата.
Мартинез, од 2010 година, до сезона 2019/2020 беше член на Арсенал. Во Лондон не доби вистинска шанса, настапи на само 38 натпревари. Клубот го испраќаше на позајмици во Оксфорд, Шефилд венздеј, Ротерам, Вулверхемптон, Хетафе и Ридинг.
Среќата му се насмевна во финишот на сезоната 2019/2020. Мораше да застане на голот на Арсенал поради повредата на Бернд Лено. Ги покажа своите квалитети, а откако не доби гаранции дека ќе биде прв голман, за 20 милиони евра се пресели во Астон Вила.
Формата што ја покажа во Астон Вила му ја донесе „единицата“ во националниот тим. Мартинез беше еден од најзаслужните за освојувањето на титулата на Копа АМерика.
29-годишниот голман, раскажал дека никогаш не сакал да се пресели во Арсенал. Тешката финансиска состојба во која било неговото семејство го натерало да ја прифати понудата, од Индепендиенте да замине во Лондон.
„Арсенал дојдоа по мене, тогашниот тренер на Индепендиенте, Пеп Санторо, ми кажа дека тоа е шанса која се добива еднаш во животот. На ист начин размислуваа мојот менаџер и семејството. Тоа беше нивна, а не моја одлука. Јас не сакав да заминам. Сакав да играм за Индепендиенте. Знаев дека за година или две ќе играв за првиот тим. Меѓутоа семејството имаше финансиски проблеми. Во Арсенал заминав од финансиски, а не од спортски причини“, рекол Мартинез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.
Спорт
(Видео) Баер 48 натпревари не знае за пораз
Фудбалерите на Баер Леверкузен одамна ја обезбедија првата титула во Бундес лигата и се на два чекори првенството да го завршат без пораз.
Избраниците на тренерот Чаби Алонсо во 32. коло од Бундеслигата убедливо го совладаа Ајнтрахт со 5:1 на гостински терен и со тоа го забележаа 48. последователен натпревар во сите натпреварувања без пораз.
Баер, да потсетиме, е блиску до пласман во финалето на Лига Европа, а наскоро ги очекува финалето во Купот на Германија против Кајзерслаутерн.
Избраниците на Алонсо последен пат загубија на 27 мај минатата година во последното коло од Бундеслигата против Бохум со 3:0.