Спорт
Џабе рекордите на Роналдо – Јунајтед „падна“ во Швајцарија во 95. минута!
По долго чекање, денеска конечно стартуваше и новата сезона во Лигата на шампионите, со два необични меча од раниот термин во кој фаворитите Манчестер јунајтед и Севилја не успеаја да победат во мечеви во кои беа ослабени со црвени картони. Посебно неверојатен беше колапсот на Манчестер јунајтед, кои поведоа преку рекордерот Кристијано Роналдо, но потоа Џеси Лингард им подари славна победа на Јанг бојс.
На „Ванкдорф“, Јунајтед имаа совршено отварање – Бруно Фернандеш го пронајде Роналдо во неговиот рекорден 177. меч во ЛШ во 13. минута за фантастично водство. Но, доминацијата на Јунајтед престана во 35. минута, кога Арон Ван-Бисака имаше непромислен груб старт и доби директен црвен картон.
По ова, Јанг бојс ја искористија предноста на теренот за да извршат постојан притисок на половината на „ѓаволите“, која конечно вроди со плод во 66. минута кога по одличното нафрлање и слабата реакција на одбраната на гостите, Николас Муми Нгамалеу израмни на 1:1. Кога изгледаше дека Јунајтед изддржаа за 1:1, Џеси Лингард неверојатно му даде топка на Џордан Сиебачу, кој го казни Давид де Хеа за славна победа.
LE CAVIAR DE LINGARD POUR PEFOK ET LES YOUNG BOYS BATTENT MANCHESTER UNITED !! #YBMUFC #YBMUN pic.twitter.com/2ejgLNStjK
— Le Football en VOD XXXVIII (@footballvodxxx8) September 14, 2021
На „Рамон Санчез Писхуан“ пак се одигра прво неверојатно полувреме со четири досудени и два промашени пенали, за на крајот Севилја да се задоволи со 1:1 реми со австрискиот шампион Ред бул Салцбург.
Белорускиот судија Алексеј Кулбаков досуди дури четири пенали – еден за домаќините и три за гостите. Во 13. минута, Карим Адејеми избори пенал за Салцбург, а потоа го утна. Само осум минути подоцна, уште еден пенал за Салцбург, откако Хесус Навас го собори Адејеми, а овојпат Хрватот Лука Сучиќ погоди за 0:1.
Во 37. минута Адејеми избори уште еден пенал откако беше соборен од голманот, а Сучиќ овојпат ја погоди стативата. Шансите на Севилја да бркаат победа се „урнаа“ во 50. минута, која Јунес Ел Несири доби втор жолт картон (овојпат за симулирање) за тимот на Хулен Лопетеги да остане со играч помалку.
ЛИГА НА ШАМПИОНИ, 1.КОЛО
ГРУПА Ф
Јанг бојс – Манчестер јунајтед 2:1
Вилјареал – Аталанта 21.00 ч.
ГРУПА Г
Севилја – Ред бул Салцбург 1:1
Лил – Волфсбург 21.00 ч.
Графика: Sofascore за Топспорт.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола потврди дека сезоната за Родри е завршена
Менаџерот на Манчестер сити, Пеп Гвардиола потврди дека Родри ќе го пропушти остатокот од сезоната поради повреда на предните вкрстени лигаменти.
„Тој денеска беше опериран, мислам дека го повреди и менискусот. Тој ќе се врати следната сезона. Оваа сезона заврши. За жал, ги добивме најлошите вести. Понекогаш, за жал, тоа се случува. Тука сме да го поддржиме и да му помогнеме да се опорави добро, чекор по чекор“, изјави Гвардиола на прес-конференција пред натпреварот со Њукасл.
28-годишниот шпански фудбалер се повреди минатата недела на дербито против Арсенал (2:2), кога се судри со противничкиот играч Томас Парти.
Родри е еден од најважните играчи на Сити. Минатата сезона тимот ја освои рекордната четврта последователна титула во Премиер лигата. Минатата сезона во првенството Сити доживеа три порази, сите кога во тимот го немаше Родри.
Родри во пресрет на повредата го критикуваше проширениот натпреварувачки календар и рече дека играчите биле блиску до одлука за штрајк поради премногу работа.
„Тоа што ни го дава, немаме сличен играч, но сите други играчи заедно можат да го заменат она што Родри ни го даде откако дојде. Ќе мораме да го направиме тоа како тим и да најдеме начин да играме многу натпревари без важен играч за нас“, додаде Гвардиола.
Родри е еден од нкандидатите за „Златната топка“ оваа година, бидејќи освен добрите настапи во Сити, и помогна на Шпанија да го освои Европското првенство летово. Беше прогласен за МВП на Европското првенство.
Спорт
Џенова и Јувентус ќе играат пред празни трибини
Утрешниот натпревар меѓу Џенова и Јувентус, на „Луиџи Ферарис“ стадионот ќе се одигра без присуство на публика. Натпреварот од шестото коло во Серија А ќе започне во 18 часот.
Џенова, пред два дена во 1/16 финалето на италијанскиот Куп играше против градскиот ривал Сампдорија. По 1:1 во 90 минути, Сампдорија победи по изведувањето на пенали.
Серизни инциденти се случија и на стадионот но и надвор од него. Во пресметките меѓу хулиганите беа повредени повеќе од 38 лица, меѓу кои и полицајци.
Фудбалската федерација на Италија експресно реагираше, ја казни Џенова, која ќе мора еден натпревар да одигра пред празни трибини.
Паоло Кортис, претседател на Националната опсерваторија за национални спортски настани, предупреди во интервју објавено во петокот дека мерките преземени против Џенова треба да „испратат сигнал“ до другите клубови и нивните навивачи.
Спорт
„Таков играч не може да биде проблем“
Спортскиот директор на Јувентус, Кристијано Џунтоли проговори на актуелната тема во клубот, лошата форма во кој се наоѓа напаѓачот Душан Влаховиќ.
Пред неколку дена се појави информација дека Јувентус сака да му ја намали платата, кој Влаховиќ и неговиот менаџер го одбиле.
Поради сето ова се огласи директорот на „Старата дама“, убеден дека ќе се најде компромисно решение со српскиот играч.
„Што се однесува до иднината на Душан, тука нема проблем. Наскоро ќе седнеме и ќе најдеме решение. Играч како Влаховиќ никогаш не може да биде проблем. Целта е нов договор и ќе успееме. Тој е играч кој вреди многу и заработува многу, тоа е предност за нас“, изјави Џунтоли.
Јувентус не постигна гол на последните три натпревари во Серија А, па поради ова јавноста најмногу го критикува Влаховиќ.