Иранските државни медиуми денес објавија неколку кратки изјави од страна на службеници задолжени за нуклеарната и енергетската инфраструктура.

Шефот на иранската организација за атомска енергија, Мохамед Еслами, изјави, според новинската агенција Фарс, дека нуклеарните капацитети остануваат во добра состојба и покрај израелските напади.

„Моралот на нашите колеги во нуклеарните капацитети е одличен и тие работат напорно“, рече Еслами.

Ограничувањето на нуклеарните капацитети на Иран и спречувањето на развојот на атомска бомба е една од клучните цели што Израел ги наведе како причина за нападите врз Иран.

Во исто време, министерот за нафта, Мохсен Пакнеџад, изјави дека нападите не влијаеле врз способноста на земјата да го снабдува населението со гориво.

„Секако, за да се обезбеди континуирано и долгорочно снабдување, може да има ограничувања на некои места, но нема да имаме проблем со снабдувањето со гориво на граѓаните“, рече Пакнеџад.

Ако се прашувате зошто со месеци и години има проблеми со собирање на комуналниот отпад низ Скопје, одговорот е поради Јулијана Спировска од ВМРО, која од судот во Република Македонија е осуден криминалец, а во исто време е претседател на Управниот одбор на Комунална хигиена избрана да раководи од ВМРО и Влен, објави градоначалничката на Град Скопје, Данела Арсовска.

Таа обвини дека Комунална под раководство на Спировска е во тотален хаос.

„Со партиски инструираната работа на Јулијана како претседател на УО на Комунална хигиена Скопје документирана во записници со содржина, насоки и заклучоци, претпријатието под нејзино водство е хаос! На госпоѓата која е со правосилна судска пресуда осуден криминалец, работите никако да и тргнат од рака да ги тера по пропис, па за денес во 13 часот закажала тајна затворена седница на управен одбор. Госпоѓо Јулијана, согласно правните акти и член 3 од Деловникот согласно кои ти си должна да работиш, седниците на Управниот одбор на JП КХС се јавни“, напиша Арсовска.

Таа вели дека на седницата може да присуствуваат претставници на средствата за јавно информирање и да jа известуваат јавноста за работата, што, како што вели, и се надевам дека ќе го направат за да може да видат што си правела 3,5 години, а и за пресудата да можат да те прашаат како осуден криминалец уште има образ да носи јавна функција.

Според Арсовска, Спировска, директно го крши член 13 со тоа што Предлогот на дневниот ред треба да го утврди во соработка со директорот на JП КХС, а не сама, како што вели Арсовска, по насоки од штаб.

„Директно го кршиш член 14 со тоа што материјалот со поканата за седницата на Управниот одбор не ги доставуваш на Директорот, Заменикот и раководните работници со посебни овластувана и одговорности, зошто сакаш во јавно претпријатие да тераш тајни седници за да го доупропастиш претпријатието со кое управуваш. Не биди ѓубре, не биди криминалец, не биди Јулијана“, напиша Арсовска.

Министерството за надворешни работи и надворешна трговија информира дека првата група македонски државјани кои побараа евакуација од територијата на Израел, синоќа безбедно пристигна на скопскиот аеродром.

Станува збор за осум лица, четири деца и четири возрасни, кои, како дел од поголем организиран транспорт, ја напуштија територијата на Израел и се упатија кон Египет, од каде со авион во сопственост на Владата беа транспортирани до Скопје.

Министерот за надворешни работи и надворешна трговија, Тимчо Муцунски, преку социјалните мрежи информираше за успешно завршениот процес на евакуација, нагласувајќи дека со оваа операција нашата земја се вбројува меѓу првите во Европа кои организираа и реализираа безбедно враќање на свои државјани од зоната на конфликт на Блискиот Исток.

Министерството, преку дипломатско-конзуларното претставништво во Тел Авив, останува во континуирана комуникација со останатите македонски државјани кои се наоѓаат на територијата на Израел. За сите прашања и конзуларна поддршка, на располагање се дежурните телефонски броеви.