Спорт
Ричард Екерсли – фудбалерот кој играше со Роналдо, а сега продава органско млеко
До врвот на фудбалската игра стигнуваат мал процент од тие кои почнуваат со прекрасната игра, нешто што совршено се гледа во примерот на Ричард Екерсли, поранешниот фудбалер на Манчестер јунајтед, кој имаше чест да игра покрај Кристијано Роналдо, а сега има сопствен бизнис со млеко, објавува „Атлетик“.
„Размислував за моето деби со Јунајтед во 2009. Кристијано Роналдо пак е во Јунајтед, исто како последниот пат кога бев таму. Тренирав со него, а сега сум млекар, продавам овесно млеко. Лудо е. Два различни света. Но, не би се менувал со него. Среќен сум и ја контролирам својата судбина“, вели Екерсли.
Тој дебитираше со Манчестер јунајтед во 2009 година како десен бек, а последниот професионален меч го одигра во Олдам во 2015 година, кога се повреди и не заигра фудбал повеќе. Тој исто така играше и за Барнли, Плимут, Бредфорд, Торонто ФЦ, Њујорк Ред булс и Бјури.
„Олдам немаа пари, ниту амбиции. Јас само што се оженив, имав мало бебе и морав да се повлечам од фудбалот. Ми олесна. Но, имав пари да ги изддржувам само шест месеци или една година. Затоа почнав со бизнисот. Имаме сопствена куќа, градина, и така се храниме. Живееме во место со околу 40 луѓе, и сите се вегетеријанци. Произведуваме 25.000 литри млеко месечно, и имаме 22 вработени. Дали ќе станам најголемиот дистрибутер во Англија? Којзнае? Можеби и Манчестер јунајтед ќе имаат од моето млеко во своите фрижидери еден ден“, додава Екерсли.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.