Спорт
Улрих: Да не беше Ленс Армстронг ќе завршев мртов како Пантани
Поранешната велосипедска ѕвезда, Германецот Јан Улрих јавно проговори за својот ментален слом во 2018 година, оценувајќи дека ќе ја доживеел судбината на Марко Пантани по низа на проблеми со алкохолот и дрогите, пред разговорите со својот стар ривал Ленс Армстронг да му го спасат животот.
Кариерите на Улрих и Армстронг секогаш ќе бидат поврзани со нивните допинг-скандали, и откако двајцата беа лути ривали во текот на кариерата, сега се добри пријатели. Улрих, кој ја освои Тур де Франс во 1997 година, зборуваше како заедно со Армстронг биле заедно на Мајорка на тренинг за да го „смират“ животот. Во разговор со Армстронг, тој го призна тоа.
„Пред три години имав големи проблеми и тогаш дојде ти да ме посетиш. Ми беше толку драго и да, бев на истиот пат како Марко Пантани. Речиси мртов. Потоа се опоравив, и имам среќа што имам добри пријатели, како тебе, кои ме вратија во живот. Сега сум среќен“, вели Улрих.
Италијанецот Пантани победи на Џиро Д’Италија и Тур де Франс во 1998 година, пред да има низа ментални проблеми и проблеми со зависноста, пред да биде пронајден мртов во хотел на 14 февруари 2004 предозиран од кокаин.
„Престанав со алкохолот и дрогите пред три години. Сега живеам здрав живот, мојата девојка ми готви само здрава храна. Плус велосипедизмот. Секогаш е добро да се вози велосипед. Сум го заборавил тоа“, вели Германецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
До мечот со Пол, Тајсон се откажа од с.кс и марихуана
Неповторливиот Мајк Тајсон (57) ќе се врати во рингот две години по егзибицискиот меч со Рој Џонс Јуниор и ќе се бори со ѕвездата на Јутјуб, Џејк Пол (27) на 20 мај во Арлингтон за хонорар од 20 милиони долари.
Дали ќе биде егзибиција или професионален натпревар е сè уште под знак прашалник (поминаа 19 години од последната професионална борба на Тајсон), но поранешниот апсолутен светски шампион во тешка категорија се подготвува за Пол како да е Евандер Холифилд, Ленокс Луис или Бастер Даглас. .
За да биде максимално подготвен за борбата, Тајсон привремено се откажал од работите во кои најмногу ужива – марихуаната и сексот.
„Живеам дисциплиниран живот. Поминаа шест недели откако последен пат се „напушив“ и имав секс. Тоа не се случило од кога бев дете“, изјави Тајсон во интервју за магазинот „Форбс“ и додаде дека тренира три пати на ден.
„Не ми се допаѓа што не можам да спијам со жена ми, но се лажам себеси дека тоа ми се допаѓа“, изјави Тајсон.
Спорт
Ројс по 12 години заминува од Дортмунд
Марко Ројс, поранешниот капитен на Борусија Дортмунд, го напушта клубот од „Вестфален“.
Челниците на „милионерите“ и 34-годишниот Ројс постигнаа договор да не ја продолжат соработката која исткекува на крајот од сезоната.
Во изминатите 12 години го носеше дресот на Борусија и постигна бројни успеси со клубот.
„Марко Ројс е еден од најголемите играчи на овој клуб. Роден е во Дортмунд, играше десет години во нашите јуниорски категории и 12 за првиот тим, долги години беше капитен на тимот. Неговата приврзаност кон Борусија е огромна. Му посакуваме се најдобро на Марко во иднина, се надеваме дека ќе ни се врати по завршувањето на кариерата бидејќи го чекаат уште предизвици во Дортмунд“, изјави првиот човек на клубот Ханс-Јоакаим Вацке.
Ројс беше капитен од 2018 до 2023 година.
На 424 натпревари за Борусија, тој постигна 168 гола и забележа 128 асистенции.
Спорт
Покетино: Не одлучувам јас дали ќе го напуштам Челзи
Тренерот на Челзи, Маурисио Покетино изјави дека не е сигурен дали ќе има време да го врати клубот на врвот на англискиот фудбал.
Челзи на домашен терен го победи Тотенхем со 2:0 во натпреварот од Премиер лигата и ги задржа шансите за пласман во европските натпреварувања.
„Сините“, речиси цела сезона се справуваат со повреди, а во моментов дури 14 играчи поради повреди се надвор од тимот. Се шпекулира дека аргентинскиот стручњак би можел да го напушти клубот на крајот на сезоната.Тој не сакаше да одговори на ова прашање.
„Мислам дека е доста“, изјави Покетино за Скај на прашањето за шпекулациите околу неговата иднина.
„На сите тренери им треба време за да пренесат идеи и филозофии. Уште повеќе кога екипата е ваква. Ни треба време. Тоа не е моја одлука. Тешко е бидејќи секоја недела сум под лупа. Но, тоа не е моја одлука. Ако сакаме да испишеме историја со Челси, не чека многу работа. Ќе бидиме дали ќе имаме доволно време“.
Челзи моментално е осмо на табелата со 51 бод од 34 натпревари во Премиер лигата и заостанува три бода зад шестопласираниот Манчестер Јунајтед, кој го држи последното место кое обезбедуа пласман во европските купови.