Црна хроника
Една жртва во тешка сообраќајна несреќа кај Прилеп

Една жена го загуби животот во тешка сообраќајна несреќа што се случи во понеделник попладне на излезот од Прилеп кон Скопје, кај местото викано Ленишки мост.
Според полицијата, автомобил „пунто“ со скопски регистарски таблички, управуван од 56 годишната М.О. од Скопје, најверојатно поради неприлагодена брзина преминал во спротивната коловозна лента и се судрил со товарен камион „мерцедес“.
Скопјанката со тешки повреди е превезена во Градската болница во Прилеп, додека сопатничката во „пунтото“ починала на лице место.
Возачот и сопатникот во камионот минале без повреди.
Увид на лице место извршија полицијата, истражен судија и јавен обвинител.
Сообраќајот беше во прекин околу два и пол часа. /крај/фф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.