Свет
(Видео) Торнадо разнесе град во Германија, има и повредени
																								
												
												
											Силно торнадо синоќа го зафати германскиот град Кил, кој се наоѓа на брегот на Балтичкото Море.
Торнадото предизвика значителна материјална штета, а седум лица се повредени, од кои тројца потешко.
BREAKING: Large tornado hits Kiel, Germany, multiple people reportedly injured. pic.twitter.com/xDpFV3AHY3
— Insider Paper (@TheInsiderPaper) September 29, 2021
Торнадото носеше покриви на куќите и извади чамци од водата, а членовите на веслачкиот клуб, кои се обидуваа да ги прицврстат чамците, завршија во водата, пренесува „Билд“.
Several injured after #tornado hits port city of #Kiel on Wednesday#Germany pic.twitter.com/lbAFGv7dFT
— Ruptly (@Ruptly) September 30, 2021
Полицијата и пожарникарите беа на самото место со осум возила за да помогнат во спасувањето на луѓето.
#Tornado in Kiel Germany, several people injured pic.twitter.com/G0DNvy27qp
— Aleksander Onishchuk (@Brave_spirit81) September 30, 2021
Во Германија годишно се регистрираат помеѓу 20 и 60 торнада.
Синоптичарите наведуваат дека ова не можело да се предвиди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
																	
																															Свет
Државјанин на Латвија уапсен откако се заканувал дека ќе земе заложници во воз Виена – Инсбрук
														Латвиски државјанин е уапсен во Австрија откако се заканувал дека ќе земе заложници во воз што сообраќал од Виена до Инсбрук, соопшти полицијата во понеделникот вечерта.
За време на патувањето, 31-годишниот маж рекол дека ќе земе заложници доколку полицајците се качат на возот, изјави портпаролот на полицијата во Салцбург за ДПА.
Кога возот застанал во Салцбург, бил приведен од специјалните сили. Еден полицаец бил повреден додека мажот се обидел да се спротивстави на апсењето, според портпаролот.
Мажот не бил вооружен, соопшти полицијата.
Ова се случило само неколку дена откако неколку лица беа повредени во напад со нож во воз во Велика Британија. Во меѓувреме, 32-годишен осомничен е уапсен и обвинет.
Фото: принтскрин
Регион
Едно лице убиено, две повредени на грчкиот остров Евија
														Дваесетгодишен маж беше избоден до смрт, а уште две лица беа повредени во два одделни инциденти на грчкиот остров Евија, соопшти полицијата.
Службениците изјавија дека случаите би можеле да бидат поврзани со насилство на фудбалски натпревари, објави Ројтерс.
Пет лица се уапсени, вклучувајќи двајца повредени мажи, додека најмалку осум лица наводно биле вклучени во насилството, изјави портпаролката на полицијата Константина Димоглида за грчката телевизија Скај.
Полицијата истражува дали инцидентите биле мотивирани од конфликт меѓу навивачи на два сопернички фудбалски тима.
Податоците на полицијата покажуваат дека бројот на насилни инциденти поврзани со спортот се дуплирал, од околу 300 случаи во 2020 година на 700 годишно, а службените лица исто така истакнуваат дека постои можна врска меѓу хулиганите и криминалните банди.
Фото: принтскрин
Свет
Коцкари инвестираа повеќе од 30 милиони долари на холандските избори
														Во последните недели, коцкарите инвестираа 32,7 милиони долари на исходот од холандските парламентарни избори, користејќи ја американската платформа за предвидување „Полимаркетс“.
Најмногу облози беа поставени на Партијата на слободата (ПВВ) – повеќе од 10 милиони долари, а на D66 – речиси шест милиони, пишува “NL Times£.
„Полимаркетс“ е онлајн платформа за предвидување која нема лиценца за коцкање, но им овозможува на корисниците да се обложуваат на исходот од идните настани, вклучувајќи ги и парламентарните избори.
До минатиот вторник, ПВВ беше фаворит со 70, 80 проценти шанси за победа, но во текот на средата D66 го презеде водството, со 94 проценти шанси за освојување на најмногу места.
Доколку има нерешен резултат, победникот ќе се определи по азбучен ред.
На платформата за предвидувања за следниот премиер, лидерот на Христијанско-демократскиот апел (CDA) Анри Бонтенбал долго време беше фаворит со повеќе од 50 проценти шанси, но сега лидерот на D66 Роб Јетен води со околу 81 процент.
Шансите на лидерот на ПВВ, Герт Вилдерс, да стане премиер се 1,1 процент.
Фото: принтскрин

