Европа
Во Романија маските се задолжителни и на отворено
Романската влада воведе нови ограничувања за да го спречи растот на нови инфекции со коронавирус, вклучително и задолжително носење маски на отворено, но одлучи да ги држи училиштата отворени.
Бројот на нови инфекции со коронавирус во Романија вчера достигна 12.032, што е нов рекорд, а единиците за интензивна нега во целата земја останаа без простор.
Романија ја има втората најниска стапка на вакцинација во Европската Унија.
Романската влада воведе обврска за носење маска и на внатрешни и на надворешни јавни простории на места каде што инциденцата надминува 6 на 1.000 луѓе.
Пристап до ресторани, спортски сали, театри, кина и други затворени простории ќе се обезбеди со половина капацитет и само за луѓе што биле целосно вакцинирани или веќе биле заразени од вирусот.
За време на викендот ќе биде воведен полициски час за оние што не се вакцинирани.
На училиштата им е дозволено да останат отворени, освен ако не се пријават случаи на коронавирус во училниците.
Романија заостанува зад другите земји на ЕУ во вакцинацијата бидејќи само една третина од возрасната популација е целосно вакцинирана поради недоверба во државните институции и кампањите за дезинформација.
Околу 40 проценти од медицинскиот и училишниот персонал не се вакцинирани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Макрон: Идеите на екстремната десница се шират во Европа
Францускиот претседател Емануел Макрон предупреди денеска во Дрезден за ширењето на екстремната десница во Европа и повика на дополнителна помош за Украина бидејќи се работи и за безбедноста во Европа.
„Секаде во нашите демократски општества, идеите кои доаѓаат од екстремната десница се шират. Овој корумпиран ветер се шири низ Европа, тоа е реалноста. Конечно мораме да се разбудиме“, рече Макрон во својот говор пред реновираната катедрала во Дрезден, кој беше целосно уништен во сојузничкото бомбардирање.
На вториот ден од неговата тридневна посета на Германија, во својот говор, Макрон се осврна конкретно на Унгарија, каде што „европските пари се добредојдени“, но не се почитува независноста на судството и медиумите.
„Постои фасцинација од авторитарните режими. Само неколку километри од нас. Но, Европа не е себична, туку заедничка база на вредности и култура на индивидуална и политичка слобода“, рече Макрон.
„Она што е загрозено во Украина е безбедноста на Европа. Ниту Франција, ниту Германија не се повеќе безбедни ако во Украина победи владеењето на посилните“, рече Макрон.
Тој рече дека имајќи го предвид големиот скептицизам, особено кај граѓаните на Источна Германија, во однос на помошта за Украина, дека заедничкиот европски однос кон ова прашање е клучен.
„Ние не водиме војна против рускиот народ, но исто така не можеме да дозволиме авторитарен, ревизионистички режим како оној во Москва да и се заканува на Европа“, рече Макрон.
Тој уште еднаш ја истакна потребата да се подигне одбранбената подготвеност на Европа и да се стави крај на силното потпирање на САД. Макрон ја започна својата тридневна државна посета на Германија во неделата со средба со германскиот претседател Франк-Валтер Штајнмаер, а во понеделникот продолжи со положување венец на споменикот на Холокаустот и говор во Дрезден.
Посетата завршува утре со средба со германскиот канцелар Олаф Шолц и заедничка средба на германската и француската влада.
Европа
Франција: ученик нападнал професорка со нож на час, се обидел да побегне
Денеска 18-годишен ученик со нож нападнал професорка за време на час по англиски јазик во училиште на западот на Франција, јави телевизијата БФМ.
Средношколецот по нападот се обидел да побегне, но бил приведен.
Професорката се здобила со полесни повреди на лицето, пренесуваат француските медиуми.
Извор близок до истрагата вели дека професорката неколку минути пред нападот разговарала со ученикот за неговото неодамнешно неколкудневно отсуство, пренесува Танјуг.
Европа
Полска го ограничува правото на слободно движење на руските дипломати
Полска ќе воведе ограничувања кога станува збор за движењето на руските дипломати на нејзина територија поради вмешаноста на Москва во хибридната војна против Европската унија, изјави денеска министерот за надворешни работи Радослав Сикорски.
Односите меѓу Полска и Русија се затегнати по избувнувањето на конфликтот во Украина во 2022 година.
Варшава ја обвинува Москва и за шпионски активности и саботажа на територијата на Полска, пренесува Ројтерс.
„Се надеваме дека Руската Федерација ќе го сфати ова како многу сериозно предупредување“, изјави Сикорски за новинарите во Брисел.
Тој додаде дека руската амбасада во Варшава ќе биде известена за оваа одлука и дека ограничувањата за движење важат за целиот персонал во амбасадата и конзулатите, освен за амбасадорот.