Спорт
Рисе: Ако Халанд отиде во Манчестер сити, овој клуб ќе биде непобедлив!
Норвешкиот интернационалец Ерлинг Халанд е еден од најбараните фудбалери на фудбалскиот пазар во моментот, а досега најупорни и најконкретни за фудбалерот на Борусија Дортмунд се тимовите на Реал Мадрид, Манчестер јунајтед и Манчестер сити.
Легендата на норвешкиот фудбал – Јон Арне Рисе би сакал својот сонародник да го види во дресот на Ливерпул, клубот каде што тој стекна светска слава.
„Би сакал да го видам на `Енфилд` затоа што се работи за феноменален играч. Кој клуб да го доведе, ќе биде мирен неколку години. Не знам дали Ливерпул има шанса за тоа, но ако има – тој трансфер би бил неверојатна работа за клубот“, вели Рисе, кој со „црвените“ во 2005 година ја освои Лигата на шампионите.
Халанд најпрвин брилира во дресот на Салцбург, но сега во Бундеслигата, во дресот на „милионерите“, постигна 68 гола на 67 меча. Минатата сезона во ЛШ имаше 10 погодоци.
Рисе се плаши Норвежанецот да не заврши во дресот на „граѓаните“.
„Ако Сити го доведе, тоа би било – вауу. Често слушаме за непобедливи екипи. Доколку Ерлинг отиде таму, мислам дека Сити би бил многу блиску да стане токму таква екипа“, смета Рисе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јасикевичиус го сака Димитријевиќ во Фенербахче
Актуелниот МВП во ВТБ лигата, македонскиот репрезентативец, Ненад Димитријевиќ, од наредната сезона веројатно ќе игра во Евролигата.
Кошаркарот на Уникс, со просек од 19 поени по меч, 6,6 асистенции, 3,3 скока и 1,3 украдени топки го обележа регуларниот дел од сезоната во ВТБ лигата.
Според информациите на турските медиуми, Димитријевиќ е на мета Фенербахче. Тренерот Шарунас Јасикевичиус изразил желба да го види Димитријевиќ во својот тим. .
Фенербахче ќе направи реконструкција на плејмејкерската позиција, извесно е дека тимот ќе го напуштат Гркот Ник Калатес и Израелецот Јам Мадар.
Спорт
МЗТ загуби од Спартак Суботица
Фото/ Петр Стојановски/ АБА2
Кошаркарите на МЗТ го загубија првиот полуфинален натпревар во АБА 2 лигата. Вечерва во Скопје, МЗТ доживеа пораз од Спартак 73:78 (15:23, 16:12, 24:17, 18:26).
Лошата игра во првиот дел во кој му дозволија на гостинот апсолутна доминација во скокот го однесе МЗТ во пораз. Спартак, најдобриот тим во регуларниот дел од сезоната, преку скокот ја контролираше играта. Одличната секвенца на Војдан Стојановски во финишот на полувремето го доближи МЗТ на само четири поени негатива.
Американецот Гилион одлично го започна вториот дел, со седум поени во низа го врати МЗТ во водство. Се одлепи МЗТ на пет поени (55:50) во финишот на третиот период и тука застана.
Спартак предводен од Гордиќ стекна предност од 10 поени, предност која МЗТ успеа да ја преполови.
Војдан Стојановски со 20 поени, по три скока и асистенции и шест украдени топки го предводеше МЗТ. Двоцифрени беа и Делалиќ со 13, Танасковиќ со 12 и Гилион со 11 поени. Кај Спартак се истакна Гордиќ со 16 поени и шест асистенции.
Реваншот се игра за една недела во Суботица.
Спорт
Катастрофа за Милвоки се повреди и Лилард
Кошаркарот на Милвоки, Демијан Лилард заработил повреда на Ахиловата тетива, објавија сите НБА инсајдери.
Лилард играл последните недели и покрај проблемите со Ахиловата тетива, и ја влоши состојбата во последниот дел од третиот натпревар од првото коло од плеј-офот против Индијана.
Плејмејкерот на Милвоки мора да носи ортопедска чизма и под знак прашалник е за четвртиот меч (понеделник, 01.00 часот) во серијата во која Пејсерси водат со 2:1.
Бакс веќе играат без Јанис Адетокумбо, кој ќе ја пропушти првата рунда, а неговата сезона многу лесно може да заврши доколку Милвоки биде елиминиран.
Во првите три натпревари во плејофот, Лилард имаше просек од 32,3 поени и 5,7 асистенции по натпревар.