Спорт
Лоша трансфер-политика во Барса – не го купија за 15, сега вреди 100 милиони евра
Катастрофалната трансфер-политика на Барселона е една од главните причини за ситуацијата во која се наоѓа каталонскиот клуб. Долговите им се мерат во стотици милиони евра, екипата им е неконкурентна за шампионскиот трофеј и во Ла Лига и во ЛШ.
На сето тоа, се чини, кумувале лошите потези и погрешните процени за доведување нови играчи. За една таква пропуштена можност зборуваше и Луис Суарез, кој речиси бесплатно си отиде од „Камп ноу“, а сега е ударна игла во Атлетико Мадрид.
Суарез изјави дека уште додека го носел дресот на Барселона, препорачал во Каталонија да го доведат уругвајскиот фудбалер Дарвин Нуњес.
Актуелниот фудбалер на Бенфика, кој има 22 години, неодамна со 2 гола во мрежата на Тер Штеген ја урна Барса во Лигата на шампионите во Лисабон, а во сезоната 2019/2020 го носеше дресот на шпанска Алмерија.
„Им реков – внимавајте на момчево, многу е интересен, а тие ми одговорија: `Ништо од тоа. Тој игра во Алемрија и многу е млад, не ни треба`“, раскажува Суарез.
Нуњес од Шпанија се пресели во Португалија за отштета од 24 милиони евра, а тоа беше рекордниот износ што Бенфика го платила за некој фудбалер. Од португалскиот клуб сега за негов трансфер бараат 100 милиони евра.
„Наместо тогаш да го купеа за 15-20 милиони евра, сега мора да дадат 80, 90, па и 100 милиони евра ако сакаат да го доведат“, истакна Уругваецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Англиските Ирци и пресудија на Република Ирска
![](https://makfax.com.mk/wp-content/uploads/2024/09/1725726879-GettyImages-2170696921.jpg)
Англија со победа над Ирска во Даблин ги започна натпреварите во Б дивизијата во Лигата на нации. Победата на Англија и ја донесоа Ирците, кои решија во сениорска конкуренцијата да го носат дресот на „гордиот албион“.
Деклан Рајс и Џек Грилиш во Дабил беа пречекани со транспарент кој ги споредува со змии. Двајцата постигнаа по еден гол, Рајс не го прослави за разлика од Грилиш.
🐍"YILANLAR GERİ DÖNDÜ"
İrlandalı taraftarların İngiltere maçında Declan Rice ve Jack Grealish'e gösterdiği tepki ters tepti.
🔔DEVRE: İrlanda 0-2 İngiltere
⚽11' Declan Rice
⚽26' Jack Grealish 🅰 Declan Rice pic.twitter.com/fayUiaY0HG— Sporx Ekstra (@sporxekstra_) September 7, 2024
Рајс, пред да дебитира за Англија во 2019 година, одигра три натпревари за Ирска. Сега постигна гол на стадионот на кој во 2018 година играше во дресот на Ирска против САД. Грилиш играше за младинските селекции, У18 и У21 на Ирска. Неговата мајка е од Ирска, но тој реши го прифати повикот од Англија.
Спорт
Анчелоти за помошник донесе тренер од англиската Трета лига
Карло Анчелоти (65), според англиските медиуми, повлече шокантен потег. Искусниот Италијанец во својот стручен штаб го донесе помошникот тренер во англискиот третолигаш Стокпорт Каунти.
Станува збор за 38-годишниот Енди Менген, кој беше член на стручниот штаб на над 300 натпревари во третото, четвртото и петтото ниво на англискиот фудбал.
Менген е поранешен напаѓач, кој ја заврши својата кариера во 2018 година. Настапуваше за десет клубови, а во кариерата одигра 425 натпревари и постигна 118 гола.
Никогаш во кариерата не играч на повисоко ниво од Третата лига.
Англиските медиуми пренесуваат дека Менген е близок пријател со Давиде Анчелоти (35), синот на Карло Анчелоти, кој исто така е дел од стручниот штаб на Реал Мадрид.
Тие двајца заедно ги земаа тренерските лиценци, па освен што се пријатели се и поранешни школски другари. Кога Менген ќе ја добие работната дозвола за Шпанија, ќе му се приклучи на стручниот тим на Реал.
Спорт
Гризман. Бевме ужасни против Италија
![](https://makfax.com.mk/wp-content/uploads/2024/09/Untitled-1-17.jpg)
Французите се разочарани од играта што ја прикажаа нивните најдобри играчи на натпреварот против Италија на стартот од Лигата на нации.
„Аѕурите“ сосема неочекувано победија со 3:1 во Париз.
Триколорите поведоа веќе во 14. секунда со голот на Баркола, но во преостанатиот дел од натпреварот Димарко, Фратеси и Распадори целосно го свртеа резултатот.
Еден од најискусните репрезентативци на Франција, 33-годишниот Антоан Гризман заигра по 136-ти пат во дресот на „триколорите“ и не памети вакво лошо издание.
„Ништо не беше во ред. Како репрезентација мора да продолжиме да работиме напорно и да го анализираме овој натпревар. Не бевме добри ниту во напад, ниту во пресинг, ниту во одбрана. Им честитам на Италијанците, овојпат беа подобри“, изјави Антоан Гризман за француските медиуми.
Во следниот натпревар, во понеделник на 9 септември Франција ја пречекува Белгија во Лион, додека истиот ден Италија гостува во Будимпешта против Израел.