Спорт
„Крал“ на северот! Саудијците го презедоа Њукасл јунајтед, навивачите слават пред „Сент Џејмс парк“
![](https://makfax.com.mk/wp-content/uploads/2021/10/How-Newcastle-Uniteds-Saudi-Arabian-takeover-can-change-the-club.jpg)
Њукасл јунајтед има нови сопственици откога беше склучен договорот за 305 милиони фунти за досегашниот газда Мајк Ешли и договорот беше одобрен од Премиер лигата кога тие добија уверувања дека државата Саудиска Арабија нема да има директно влијание во клубот, туку тој ќе биде воден од Саудискиот државен фонд (ПИФ).
„Премиер лигата, Њукасл јунајтед и ‘Сент Џејмс холдингс’ го обезбедија преземањето на клубот од конзорциумот на ПИФ, ‘ПЦП капитал партнерс’ и ‘РБ спортс и медија’. Легалните несогласувања се надминати и сите страни се согласни дека долгата неизвесност за иднината на клубот е надмината. Премиер лигата доби легално обврзувачки уверувања дека Кралството Саудиска Арабија нема да го контролира Њукасл јунајтед ФЦ“, се вели во објавата на Њукасл.
Саудиските моќници на чело со принцот Мохамед бин Салман, со богатство од 300 милијарди фунти, речиси една година се обидуваат да го преземат Њукасл, но имаа проблеми со носителот на ТВ-правата „Беин спортс“ од Катар.
Newcastle fans reaction after official takeover, here from St James’ Park. Exciting times are expected for the Magpies. ⚪️⚫️ #NUFC
[? @JoshHalliday]pic.twitter.com/uoPepjQXlP
— Fabrizio Romano (@FabrizioRomano) October 7, 2021
„Неговото височество Јаси ал-Румајан, гувернерот на ПИФ, ќе биде неизвршен директор на Њукасл јунајтед, Аманда Ставели ќе има место на бордот заедно со Џејми Реубен“, се вели во објавата на клубот.
Со ова се става крај на контроверзното 14-годишно владеење на Мајк Ешли со клубот и, нормално, се креваат амбициите на навивачите на Њукасл, кои мораа да издржат низа слаби сезони како тековната, во која се во зоната за испаѓање и со неизвесно место на менаџерот Стив Брус.
Њукасл сега се очекува да им биде ривал на клубовите со богати газди во Британија, како Манчестер сити и Челси, но и Пари Сен-Жермен во Франција. Навивачите очекуваат веќе во јануари да има (скапи) засилувања за тимот.
? An investment group led by the Public Investment Fund, and also comprising PCP Capital Partners and RB Sports & Media, has completed the acquisition of 100% of Newcastle United Limited and Newcastle United Football Club Limited from St. James Holdings Limited.
⚫️⚪️
— Newcastle United FC (@NUFC) October 7, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Англиските Ирци и пресудија на Република Ирска
![](https://makfax.com.mk/wp-content/uploads/2024/09/1725726879-GettyImages-2170696921.jpg)
Англија со победа над Ирска во Даблин ги започна натпреварите во Б дивизијата во Лигата на нации. Победата на Англија и ја донесоа Ирците, кои решија во сениорска конкуренцијата да го носат дресот на „гордиот албион“.
Деклан Рајс и Џек Грилиш во Дабил беа пречекани со транспарент кој ги споредува со змии. Двајцата постигнаа по еден гол, Рајс не го прослави за разлика од Грилиш.
🐍"YILANLAR GERİ DÖNDÜ"
İrlandalı taraftarların İngiltere maçında Declan Rice ve Jack Grealish'e gösterdiği tepki ters tepti.
🔔DEVRE: İrlanda 0-2 İngiltere
⚽11' Declan Rice
⚽26' Jack Grealish 🅰 Declan Rice pic.twitter.com/fayUiaY0HG— Sporx Ekstra (@sporxekstra_) September 7, 2024
Рајс, пред да дебитира за Англија во 2019 година, одигра три натпревари за Ирска. Сега постигна гол на стадионот на кој во 2018 година играше во дресот на Ирска против САД. Грилиш играше за младинските селекции, У18 и У21 на Ирска. Неговата мајка е од Ирска, но тој реши го прифати повикот од Англија.
Спорт
Анчелоти за помошник донесе тренер од англиската Трета лига
Карло Анчелоти (65), според англиските медиуми, повлече шокантен потег. Искусниот Италијанец во својот стручен штаб го донесе помошникот тренер во англискиот третолигаш Стокпорт Каунти.
Станува збор за 38-годишниот Енди Менген, кој беше член на стручниот штаб на над 300 натпревари во третото, четвртото и петтото ниво на англискиот фудбал.
Менген е поранешен напаѓач, кој ја заврши својата кариера во 2018 година. Настапуваше за десет клубови, а во кариерата одигра 425 натпревари и постигна 118 гола.
Никогаш во кариерата не играч на повисоко ниво од Третата лига.
Англиските медиуми пренесуваат дека Менген е близок пријател со Давиде Анчелоти (35), синот на Карло Анчелоти, кој исто така е дел од стручниот штаб на Реал Мадрид.
Тие двајца заедно ги земаа тренерските лиценци, па освен што се пријатели се и поранешни школски другари. Кога Менген ќе ја добие работната дозвола за Шпанија, ќе му се приклучи на стручниот тим на Реал.
Спорт
Гризман. Бевме ужасни против Италија
![](https://makfax.com.mk/wp-content/uploads/2024/09/Untitled-1-17.jpg)
Французите се разочарани од играта што ја прикажаа нивните најдобри играчи на натпреварот против Италија на стартот од Лигата на нации.
„Аѕурите“ сосема неочекувано победија со 3:1 во Париз.
Триколорите поведоа веќе во 14. секунда со голот на Баркола, но во преостанатиот дел од натпреварот Димарко, Фратеси и Распадори целосно го свртеа резултатот.
Еден од најискусните репрезентативци на Франција, 33-годишниот Антоан Гризман заигра по 136-ти пат во дресот на „триколорите“ и не памети вакво лошо издание.
„Ништо не беше во ред. Како репрезентација мора да продолжиме да работиме напорно и да го анализираме овој натпревар. Не бевме добри ниту во напад, ниту во пресинг, ниту во одбрана. Им честитам на Италијанците, овојпат беа подобри“, изјави Антоан Гризман за француските медиуми.
Во следниот натпревар, во понеделник на 9 септември Франција ја пречекува Белгија во Лион, додека истиот ден Италија гостува во Будимпешта против Израел.