Спорт

Иако 12 пати не го победи, Адил Рами смета дека сега е лесно да го чуваш Меси

Објавено пред

1 недела

- 7 октомври, 2021

Од

Адил Рами, дефанзивецот на Троа и поранешен француски репрезентативец, вели дека сега кога Лионел Меси е во Пари Сен-Жермен, многу е полесно да го чуваш Аргентинецот во споредба со минатото.

Рами претходно имаше редовни средби со Меси додека беше фудбалер на Севилја, но во 12 меча ниту еднаш не беше на победничката страна во дуелите со Барселона под водство на Меси. Сепак, Рами вели дека оптимизмот доаѓа од тоа што играта на Меси е сменета и дека на 34 години веќе не е незапирлив.

„Да, признавам, никогаш не победив, но имаше повеќе нерешени мечеви и добив четири-пет дреса од него. Тој беше пресилен тогаш, секогаш зад мојот грб. Ќе биде во офсајд, па ќе се премести на средината и повторно ќе тргне. Сега не оди така, туку повеќе сака да додава, така што е полесно за одбранбените играчи да чекаме. Мислам дека не може да прави слаломи повеќе“, вели Рами.

Меси уште нема постигнато гол во првите три меча во Лига 1, но даде прекрасен гол при 2:0 победата над Манчестер сити во Лигата на шампионите. Во ПСЖ тој игра на десната страна во нападот покрај Килијан Мбапе и Нејмар или како втор напаѓач кога Анхел ди Марија е во игра.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Јуве би го продал Кулушевски за да го донесе Влаховиќ

Претходно

„Крал“ на северот! Саудијците го презедоа Њукасл јунајтед, навивачите слават пред „Сент Џејмс парк“

Спорт

Пресврт на Барселона во режија на Депај – Валенсија падна на „Ноу Камп“

Објавено пред

4 часа

- 17 октомври, 2021

Од

TopSport.mk

Барселона ја победи Валенсија со 3:1 во последниот натпревар од деветтото коло во Примера. Каталонците ја забележаа четвртата победа во сезоната и со 15 бодови стигнаа до седмото место на табелата. Валенсија која нема победа на последните пет натпревари остана на деветтото место место.

Барселона со пресврт успеа да ја совлада Валенсија. Гостите го отворија резултатот со голот на Хосе Гаја. Левиот бек од 25.метри упати неодбранлив удар кон Тер Штеген.

Предноста на Валенсија траеше само осум минути, кога израмни Ансу Фати. Во 41.минута асистентот за голот на Фати, Депај реализираше од белата точка.

Во второто полувреме, Валенсија не ги искористи своите шанси, во една ситуација стативата беше сојузник на Тер Штеген. Казаната гостите ги стигна во 85.минута кога Кутињо го постави конечниот резултат.

Прикажи повеќе...

Спорт

Кен го реши дербито – Четврта победа во низа за Јувентус

Објавено пред

4 часа

- 17 октомври, 2021

Од

TopSport.mk

Јувентус ја победи Рома со 1:0 во дерби мечот, одигран во осмото коло, во Серија А. „Страта дама“ со четвртата победа во низа се искачи на седмото место на табелата. Рома остана на четвртото место.

Мечот го реши Моисе Кен во 16.минута. По одличниот центаршут на Де Шиљо, со глава играше Бентакур, а топката од главата на Кен заврши во голот.

Во 44.минута, контроверзен момент. Ејбрахам мина крај двајца играчи, на топката налета Мхитаријан кој беше фаулиран, на топката налета Ејбрахам и постигна гол. Меѓутоа судијата Орсато го поништи голот и покажа на белата точка.

Верету лошо шутираше, Шечсни лесно го одбрани неговиот удар. Францускиот репрезентативец го промаши првиот пенал во кариерата.

Во вториот дел двата тима имаа по една шанса, голманите ги одбранија ударите на Бернардески и Виња.

Прикажи повеќе...

Спорт

Мекгрегор натепал италијански Ди-џеј

Објавено пред

5 часа

- 17 октомври, 2021

Од

TopSport.mk

Конор Мекгрегор, една од најголемите УФЦ ѕвезди, продолжува со инцидентите во приватниот живот.

Ирецот е обвинет дека во Рим, му го скршил носот на Ди-џејот, Франческо Фачинети.

Мекгрегор и неговата сопруга биле заедно до Фачинети и неговата сопруга. Во еден момент Ирецот станал и неколку пати го удрил Фанчети. Веднаш интервенирало обезбедувањето, кое спречило поголем инцидент.

„Без причина ме удри. Имам впечаток дека можеше да удри било кого. Моите пријатели, сопругата или некој кој случајно се најде тука. Ќе го тужам. Конор е насилна и многу опасна особа“, напишал Фанчети на својот профил на Инстаграм.

Мекгрегор и неговиот тим не го коментирале инцидентот.

Прикажи повеќе...