Спорт
ФБИ уапси 18 поранешни НБА кошаркари за измама!
Осумнаесет поранешни НБА кошаркари се обвинети за нелегално добивање на 2.5 милиони долари со измама направена преку планот за здравствено и пензиско осигурување на лигата, користејќи лажни медициски тестови и трошоци за забарски услуги.
Според обвинението на американските федерални власти поднесено во Менхетен, 15 поранешни кошаркари и една од нивните сопруги се уапсени за тригодишниот заговор кој почнал во 2017 година и со кој се поднесувале лажни барања за медициски услуги.
Во еден од случаите, поренешен НБА кошаркар играл професионално во Тајван во исто време кога бил на забар во Беверли Хилс во декември 2018, правејќи трошок од 48.000 долари.
Обвинителството тврди дека заговорот го предводен Теренс Вилијамс, кошаркар кој ја почна кариерата како избор во првата рунда од драфтот во 2009, откако добил 19.000 долари за наводна посета на киропрактичар во ноември 2017. По ова, тој ангажирал повеќе поранешни кошаркари кои добивале лажни упати од киропрактичар и забар во јужна Калифорнија. Од кошаркарите тој добил најмалку 230.000 долари.
Нетс го избраа Вилијамс како 11. пик на драфтот во 2009 година, и играше за четири клуба во четири сезони (Нетс, Селтикс, Рокитс и Кингс), со просек од 7.1 поени по натпревар. Тој беше отпуштен од Бостон два дена по неговиот 26. роденден во 2013 и оттогаш не заигра во НБА.
Помеѓу обвинетите е и Тони Ален, член на шампионскиот тим на Бостон Селтикс од 2008 и неговата сопруга, Чарлс Вотсон Јуниор, Антоан Рајт, Алан Андерсон (Вашингтон, ЛА Клиперс), Шенон Браун (Кливленд, ЛА Лејкерс), Вилијам Бајнам (Детроит), Кристофер Даглас-Робертс (Њу Џерси), Мелвин Елај (играше за 5 НБА клуба), Џамарио Мун (исто така играше за 5 клуба), Дариус Милер (ЛА Клиперс и Кливленд), Еди Робинсон (Шарлот, Чикаго), Ентони Вротен (Мемфис, Филаделфија), Милтон Паласио (играше за 6 НБА клуба) и Рубен Патерсон (играше за шест НБА клуба).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пелистер поразен во Полска од Висла
Ракометарите на Пелистер доживеаја пораз во Полска, кај Висла Плоцк 26:18. За македонскиот шампион ова е четвртиот пораз сезоната. Пелистерци во првите пет кола освоија само еден бод. Висла пак го запиша првиот триумф сезонава во која влезе со четири порази.
Пелистер лошо влезе во натпреварот, Висла создаде предност од седм гола (9:2), но откако играчите на Бранислав Ангеловски се консолидираа во одбраната успеаја да фатат приклучок.
Висла на полувреме имаше плус од два гола (13:11).
Сепак Пелистер не успеа да направи пресврт во вториот дел. Висла повторно ја сабилизира играта во одбраната, му дозволи на Пелистер за 30 минути да постигне само седум гола и на ктрајот да запише убедлив триумф.
Кузмановски со пет гола го предводеше Пелистер, кај Висла најефикасен со осум гола беше Михиќ.
За седу дена Пелистер во шестотот коло ќе го пречека Веспрем.
Спорт
Жалгирис надомести негатива од 27 поени и победи во Милано
Кошаркарите на Жалгирис со нестварен пресврт славеа на гости кај Олимпија Милано, 85:82.
Играчите на Жалгирис победија и покрај тоа што во третиот период двапати имаа минус од 27 поени.
Последната четвртина тие ја одиграа како во транс ја добија со 37:18 и го креираа вториот најголеми пресврт во историјата на Евролигата. Единствени кои направија поголем пресврт од Литванците по овој параметар се играчите на Проком, кои во 2013 година надонестија минус од 28 поени против Монтепаски Сиена.
Олимпија Милано на полувремето имаше предност од 49:31, а во третата четвртина беа на 64:37.
Литванците фатија ритам во последните десет минути, влегоа со -18 и направија чудо.
Постепено ја намалуваа разликата и на 34 секунди до крајот поведоа благодарение на поените на Буткевичиус.
Со слободните фрлања на Довидас Гедраитис ја потврдија победата на 16 секунди до крајот.
Довидас Гидераитис со 21 и Силван Франциско со 17 поени беа најефикасни во победничкиот тим.
Во тимот на Олимпија Милано, Никола Миротиќ постигна 17 поени имаше и 11 скоа, Шевон Шилдс постигна 14, а Зек Ледеј имаше поен помалку. Македонскиот репрезентативец Ненад Димитирјевиќ забележа 11 поени, два скока и четири асистенции.
Спорт
Роналдо најплатен во светот – заработува двојно повеќе од Меси
Според извештајот на Форбс, Португалецот Кристијано Роналдо е убедливо најплатениот фудбалер во светот.
Заработката на ѕвездата на Ал-Насра е огромна – 262 милиони долари. Во оваа бројка е вклучена и сумата што Португалецот ја собира од комерцијални активности.
На второто место на листата на најплатени фудбалери е најголемиот ривал на Роналдо на теренот, Аргентинецот Лионел Меси, член на Интер од Мајами, кој годишно заработува 124 милиони.
Трет најплатен фудбалер во светот е Бразилецот Нејмар со плата од 101 милион.
Зад него се Карим Бензема и Килијан Мбапе кои ја комплетираат листата на Топ 5 најплатени фудбалери во светот.
🤑 The HIGHEST paid players in the world this year:
1️⃣🇵🇹 C. Ronaldo (€263M)
2️⃣🇦🇷 L. Messi (€124M)
3️⃣🇧🇷 Neymar (€101M)
4️⃣🇫🇷 K. Benzema (€96M)
5️⃣🇫🇷 K. Mbappé (€83M)This is based on salaries and sponsorship income, before taxes, according to @Forbes. pic.twitter.com/OjZcGlyf4e
— Football Tweet ⚽ (@Football__Tweet) October 17, 2024