Спорт
Нови скандалозни обвинувања за Марадона – секс и дрогирање со малолетничка
Ново видео го покажува легендарниот Диего Армандо Марадона во хотелска соба со девојка која тврди дека тој имал секс со неа кога таа имала само 16 години и ја држел затворена во соба и ја дрогирал.
Кубанката Мавис Алварез тврди дека била приморана да оди на операција за зголемување на градите, по што била однесена во Аргентина без дозвола на нејзините родители. Видеото, кое објавено на шпанскиот „Инфобеј“, доаѓа откако Алварез ја тужи придружбата на Марадона, со која се сретнал кога тој имал 40 години во 2000.
Марадона се сретнал со Алварез во хотел во градот Варадеро, кога пристигна на Куба да се одвикне од користењето дрога на покана на поранешниот лидер на Куба, Фидел Кастро. Алварез тврди дека Марадона ја преселил во стан во Хавана.
„Тоа беше најголемата грешка во мојот живот. Бев само девојче. Тој беше странец, беше богат и ми обрнуваше внимание. Не можев да кажам не“, вели Алварез.
По оваа посета на Хавана, Алварез била однесена во Буенос Аирес во 2001, кога била држена затворена во хотелска соба речиси три месеци.
„Не ми беше дозволено да излезам сама, секогаш имаше негови луѓе покрај мене. Зошто не зборував досега? Бидејќи кубанската држава можеше да ми наштети мене и на моите родители“, додава Алварез.
Марадона почина од срцев напад минатата година на само 60 години.
Контроверзното видео може да се погледне тука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.