Легендата на Милан, Фрако Барези вели дека малку клубови може да ти дадат тоа што ќе го доживееш кај „росонерите“, но дека мора да се почитуваат одлуките на тие кои си заминуваат од клубот.

Ова доаѓа откако Џанлуиџи Донарума и Хакан Чалханоглу си заминаа како слободни фудбалери од клубот, а навивачите не им простија за „предавството“ – Донарума беше обвинет дека ги избрал парите пред верноста на клубот кој му даде многу, додека Чалханоглу премина во градскиот ривал Интер.

Барези освои три европски титули и шест италијански круни со Милан и вели дека сите во клубот мораат да ја знаат историјата на клубот.

„Не верувам дека има играч кој игра за Милан, а не ја знае историјата. Или ја чувствува длабоко во душата, или наоѓа смисла да замине од клубот. Но, тој избор мора да се почитува. Милан е еден од најголемите клубови на светот и малку клубови можат да ви го пружат тоа што Милан може да го даде. Тоа е се што можам да кажам“, вели Барези за „Спортвик“.

Тој ги отфрла шпекулациите дека Интер го одбиле на стартот на неговата кариера.

„Интер ме следеа кога бев млад, но никогаш не ме повикаа бидејќи скаутот кој ме следеше почина. Отидов во Линате на тест кај Милан, кои потоа ме викнаа во Миланело и решија да ми дадат договор. Секогаш сум бил навивач на Милан“, додава Барези.

Враќањето на Клаудио Раниери во англиската Премиерлига не помина најдобро, откако неговите Вотфорд беа декласирани во мечот со Ливерпул и загубија со 0:5 на домашен терен.

Раниери, човекот кој славно ја освои титулата од ПЛ со Лестер, се врати да им помогне на Вотфорд да опстанат во Премиерлигата, но важните поени ќе ги бара против друг противник, откако „црвените“ на Јирген Клоп се покажаа едноставно во поинаква класа од нив.

„Gegenpressen“ стилот на игра на Клоп, веднаш донесе до резултат, откако во 9. минута од мечот Мохамед Салах совршено го пронајде Садио Мане за Сенегалецот да го постигне својот 100. гол во Премиерлигата како трет Африканец со ваков успех (по Дидие Дрогба и самиот Салах). Голот на Вотфорд постојано беше под опсада со над 80 отсто посед на топката, и во 37. минута Роберто Фирмино зголеми на 0:2, пред Бразилецот во 52. минута од мечот да зголеми на 0:3. Египетскиот фудбалски „фараон“ Мо Салах само две минути подоцна да постигне фантастичен гол за 0:4, а Роберто Фирмино во 91. минута да го комплетира својот хет-трик.

Убедливата победа ги враќа Ливерпул на првото место на табелата со 18 поени по осум меча, пред Челси со 16 и Манчестер сити и Манчестер јунајтед со 14 поени. Вотфорд се 15. со само 7 освоени поени.

Графика: Sofascore за Топспорт.мк

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-37036”));

Ајакс од Амстердам, холандскиот гигант кој може да се пофали со една од најдобрите фудбалски школи на светот, му даде прв професионален договор на српскиот стопер Матеја Миловановиќ, кој потпиша договор до 2024 година.

„Ова го чекам подолго време и мислам дека е добра награда за мене. Сите ми велат дека личам на Златан Ибрахимовиќ и искрено и јас ја гледам сличноста.“, изјави Миловановиќ за Швеѓанецот кој исто така играше за „копјаниците“ од Амстердам.

17-годишниот Миловановиќ е роден во Ротердам, каде што започна со фудбалот во тимовите на Феенорд и Спарта Ротердам, пред во 2018 година да влезе во академијата на Ајакс. Тој играше за У-16 репрезентацијата на Холандија, но лани го имаше првиот настап за У-19 репрезентацијата на Србија, бидејќи по потекло е од Чачак.

Congrats on your first contract, Mateja! 📝👊#ForTheFuture

— AFC Ajax (@AFCAjax) October 16, 2021

'Ja, ik lijk wel op hem' 🪞

👀 @Ibra_official#ForTheFuture

— AFC Ajax (@AFCAjax) October 16, 2021