Црна хроника
Глоба од 2.000 евра за мајка која не го почитувала решението за изолација за малолетното дете
Судот поведе постапка за мајка која не го почитувала решението за изолација на малолетната ќерка.
Како што се наведува, наместо во изолација од 14 дена, мајката му го дала детето на таткото, без да го извести за изолацијата, а тој се сретнал со детето надвор од неговиот дом. За одредената задолжителна изолација на ќерката дознал кога на неговиот телефонски број, преку апликацијата Вибер му пристигнало решението на Државниот здравствен и санитарен инспекторат.
„ Обвинетата, како законски застапник на дете родено 2019 година, не постапила според прописите и наредбите со кои се определуваат мерки за спречување на ширењето на коронавирусот. Имено, иако со решение на Државниот здравствен и санитарен инспекторат детето било ставено под здравствен надзор и домашна изолација во траење од 14 дена од 11.8.2021 година, обвинетата без да го запознае таткото на детето за настанатата ситуација, од 19 -22.08 му ја дала ќерката за тој да оствари видување на кое имал право со решение на Центарот за социјални работи“, соопшти обвинителството.
Надлежниот јавен обвинител му предложи на Основниот кривичен суд Скопје за обвинетата да одреди парична казна од 100 дневни глоби со поединечна вредност на дневната глоба од 20 евра во денарска противвредност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Еден загинат во тешка сообраќајка на патот Струмица-Валандово
Тешка сообраќајна несреќа се случи утринава на патот Струмица-Валандово, поради што и патниот правец беше затворен. Според официјалните информации од МВР, едно лице го загубило животот.
„На излез од село Костурино, струмичко се случила сообраќајна несреќа помеѓу патничко возило и трактор, во која животот го загубило едно лице“, велат од МВР.
Увид на местото врши јавен обвинител и екипа на СВР Струмица.
Црна хроника
Поднесена кривична пријава за шверц на мигранти
Регионалниот центар за гранични работи Југ до ОЈО за гонење на организиран криминал и корупција Скопје поднесе кривична пријава против Д.П.(25) од село Вранештица, кичевско, поради постоење основи на сомнение за сторено кривично дело криумчарење мигранти.
Вчера околу 08:00 часот од страна на полициски службеници од Полициската станица за граничен надзор и граничен премин „Богородица” Д.П. бил затекнат, на место во близина на граничен камен 61/3, додека во својство на водич, пренесувал илегални мигранти од Кина, од грчка на македонска страна.
Две женски лица од Кина се предадени во прифатно-транзитен центар за понатамошна постапка.
Топ
Во ауди криел 50 килограми марихуана
Полициски службеници од ОВР Демир Хисар при СВР Битола вчера во близина на село Сладуево, демирхисарско, го лишија од слобода Е.Е.(53) од село Калишта, струшко.
Како што соопшти денеска МВР, при преглед на патничко моторно возило ауди со струшки регистарски ознаки, управувано од Е.Е., биле пронајдени над 50 килограми марихуана.
Лицето е приведено во полициска станица Демир Хисар, поднесена е кривична пријава и предадено на ОЈО Битола.