Спорт
Маркез: Роси е великан, но односите меѓу нас никогаш нема да се добри

Поранешниот Мото ГП-шампион, Марк Маркез, признава дека, најверојатно, навивачите на трката во Мизано овој викенд ќе бидат непријателски настроени кон него поради нетрпеливоста со нивната легенда Валентино Роси, но вели дека нема желба да го смени односот со Докторот, кој се повлекува на крајот на сезоната.
„Секако, тоа што Валентино го направи во Мото ГП и неговите спортски успеси се навистина посебни. Не верувам дека некој ќе го повтори тоа бидејќи тој беше првиот што победуваше толку многу. Тој направи многу за спортот, привлече многу луѓе во Мото ГП и мораме да бидеме благодарни за нив. И в година, ако не вози, патеките ќе продолжат да бидат негови. Зошто? Бидејќи имаше успешна и уникатна кариера, особено во медиумите. Знаете дека мојот однос со него не е најдобар и немам проблем да го признам тоа како реалност. Искрено, не бевме директни ривали во последните години. Не е до мене да ги менувам односите и искрено не ми е многу грижа“, изјави Маркез.
Главната причина за непријателството, секако, е борбата за титулата во 2015 година кога Роси го обвини Маркез дека му помага на шпанскиот сонародник и колега на Роси, Хорхе Лоренцо. Роси водеше од стартот на шампионатот, но Лоренцо се доближи на 11 поени на две трки пред крајот. На трката во Малезија, Маркез се тркаше со Роси откако испадна зад Лоренцо по што Роси го клоцна својот ривал во потег што беше клучен за титулата – тој доби казнеи поени и старт од последното место на трката во Валенсија.
Од последното место на таа трка тој стигна до четвртото место, но Лорецо победи и ја освои титулата со пет поени предост. Роси сметаше дека Маркез и Дани Педроза намерно не се обидувале да се тркаат со Лоренцо на врвот.
Пред неколку дена Грацијано Роси, таткото на Валентино, кој секогаш го следеше својот син на натпреварувањата, во интервју за „Газета дело спорт“ зборуваше за тоа кого најмногу мрази од ривалите на својот син.
„Најомразениот? Па, морам сериозно да го посочам Маркез. Неговиот карактер на крајот се покажа. Кога нема професионализам во спортот, кога се нема вкус за стил и за работа со почитување на противникот, тоа навистина не можам да го поднесам“, изјави Грацијано Роси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мексиканката Оваље најскапа фудбалерка во историјата

Мексиканската фудбалерка Лизбет Оваље се пресели од Тигрес УАНЛ во американскиот Орландо Прајд за еден и пол милион американски долари, што е нов светски рекорд во женскиот фудбал.
Лизбет Оваље го сруши претходниот рекорд, поставен од 20-годишната Канаѓанка Оливија Смит кога се пресели од Ливерпул во Арсенал во јули за точно еден милион фунти, што е 1,3 милиони долари, пишува „Би-би-си“. Оваље потпиша двегодишен договор со Орландо Прајд.
Мексиканката има 25 години, го носеше дресот на Тигрес осум сезони и освои пет титули во мексиканскиот шампионат.
Таа е позната и по прекарот „Ла Мага“ (Магионичарка).
Игра како лево крило и го напушта Монтереј како најдобар стрелец на Тигрес со 136 гола и 103 асистенции во 294 натпревари.
Оваљњ има одиграно 64 натпревари за мексиканската репрезентација на кои постигнала 22 гола.
Фото/ Принтскрин
Спорт
Сега е официјално – Даглас Луиз во Нотингем Форест

Бразилецот Даглас Луиз ќе игра во црвениот дрес на Нотингем Форест во новата сезона. Луиз пристигна од Јувентус на едногодишна позајмица со опција за откуп следното лето.
Овој 27-годишен Бразилец се враќа во англискиот фудбал по една година играње во Серија А. Во својот нов клуб, тој ќе го носи бројот 12.
На „Сити граунд“ ќе им се приклучи на четворицата сонародници (Муриљо, Игор Жезус, Морато и Жаир Куња).
Даглас Луиз ја започна својата кариера во родниот Рио де Жанеиро, во Васко де Гама, каде што го привлече вниманието на Манчестер сити, за кого потпиша во 2017 година. Откако помина две години на позајмица во Шпанија, во Џирона, тој се пресели во Астон Вила во 2019 година, каде што одигра над 200 натпревари.
Тој играше брилијантно за клубот од Бирмингем, чии навивачи го избраа за играч на сезоната во 2023/23. Најдобро се снаоѓа на позицијата централен играч од средниот ред. Во дресот на Астон Вила, тој постигна 22 гола и запиша 24 асистенции.
Луиз, исто така, играше 18 пати за Бразил и освои златен медал на Олимписките игри во Токио во 2021 година.
Минатото лето за 51 милион евра од Астон Вила се пресели во Јувентус. Не успеа да се адаптира на италијанскиот фудбал, не успеа да се избори за стандарден статус во првиот тим ни кај Тијаго Мота, ни кај Игор Тудор. Навивачите и медиумите го прогласија како едно од најлошите засилувања во историјата на славниот клуб.
Спорт
(Видео) Ѓоковиќ го фрли првиот „пич“ пред дербито Јенкис-Ред Сокс

Новак Ѓоковиќ, најдобриот тенисер на сите времиња, имаше чест да го фрли првиот „пич“ непосредно пред големото бејзбол дерби помеѓу Њујорк Јенкис и Бостон Ред Сокс.
Ривалството помеѓу Јенкис и Ред Сокс е едно од најголемите во сите американски спортови, и јасно е зошто Ѓоковиќ одлучи да биде на стадионот Јенки во своето слободно време.
Новак имаше чест да го фрли првиот „пич“, нешто со што не можат да се пофалат многу луѓе. Новак ги сподели сликите на социјалните мрежи, во соработка со Јенкис, а во описот беше додадено:
„Благодарност до тениската легенда Новак Ѓоковиќ што го фрли церемонијалниот прв „пич“!“
Novak Djokovic throws out the 1st pitch at Yankee Stadium! pic.twitter.com/CVpzNuSXFk
— MLB (@MLB) August 22, 2025
Фото/ Принтскрин