Свет
(Видео) Силно невреме ја погоди Сицилија – најмалку двајца загинати
Најмалку две лица загинаа откако силно невреме го погоди јужниот италијански остров Сицилија и предизвика големи поплави околу градот Катанија.
Портпаролот на групата волонтери на „Мисерикордија“, кои им помагаат на полицијата и пожарникарите, изјави дека тело на маж е пронајдено под автомобил поради обилните дождови што го зафатија градот Гравина, северно од Катанија, пренесува „Ројтерс“.
?LIVE da #Catania ⚠️#26ottobre #alluvionecatania pic.twitter.com/m68eWbZnkJ
— 3B Meteo (@3BMeteo) October 26, 2021
Полицијата ја потврдила смртта, но не соопштила повеќе детали.
Телото на 67-годишен маж е пронајдено вчера во шума далеку од местото каде што последен пат бил виден, па се претпоставува дека неговиот автомобил бил однесен од порој вода и кал југозападно од сицилијанскиот град Катанија.
A powerful #CyclonicStorm hit the southern Italian island of #Sicily on Tuesday causing widespread #Flooding around the city of #Catania, turning streets and squares into rivers and lakeshttps://t.co/05TGdGy3NY pic.twitter.com/KoShMKaFZD
— Wolf of Main Street on steroids ^^ (@BNF75) October 26, 2021
Сопругата на повредениот сè уште се води како исчезната, потврдија за репортерот на „Ројтерс“ од локалната брза помош.
Дождот поплави некои од најпознатите улици и плоштади во Катанија и предизвика прекин на електричната енергија во центарот на градот и поплави продавници, а училиштата беа затворени во градот и во голем број околни места. Поплавите го зафатија и одделението на болницата Гарибалди во Катанија, јавуваат медиумите.
Италијанскиот метеоролошки сајт Ilmeteo.it наведува дека делови од Сицилија и соседна Калабрија биле погодени од редок тропски циклон, познат како Медика, а морето било осум степени потопло од просекот за овој период од годината.
Се очекува невремето да го достигне врвот меѓу четврток и петок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Свет
Трамп казнет со 9.000 долари
Помалку од седум месеци пред претседателските избори во ноември, на републиканскиот кандидат Доналд Трамп му се суди затоа што се обидел да го купи молкот на поранешната порно ѕвезда Сторми Даниелс неколку дена по изборите во 2016 година на кои ја победи демократската кандидатка Хилари Клинтон.
Судијата Хуан Мерчан рече дека Трамп е казнет со 9.000 долари поради кршење на забраната за коментирање на сведоци. Обвинителите го обвинија поранешниот претседател дека повеќе пати ја прекршил забраната за коментирање и побараа од судијата да го казни со 1.000 долари по прекршок, пишува Гардијан.
Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Пред судењето, судијата Мерчан ја прошири оваа забрана за коментирање на членовите на семејството откако Трамп напиша објава за ќерката на Мерчан.
Трамп мора да отстрани седум навредливи објави од социјалната мрежа „Truth Social“ и две објави од неговата веб-страница на кампањата до 14:15 часот. „Го предупредуваме обвинетиот дека судот нема да толерира натамошно кршење на правните наредби и дека доколку е потребно и соодветно со оглед на околностите ќе биде осуден на затворска казна“, се вели во судската пресуда.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.