Свет
Бајден, Макрон, Меркел и Џонсон загрижени поради иранската нуклеарна програма
СAД, Франција, Германија и Велика Британија денеска изразија силна и сè поголема загриженост за иранската нуклеарна активност, барајќи од Техеран да го промени правецот и на тој начин да го спаси договорот за неговата нуклеарна програма.
Американскиот претседател Џо Бајден, францускиот претседател, Емануел Макрон, германската канцеларка, Ангела Меркел и британскиот премиер Борис Џонсон попладнево во Рим се состанаа за да разговараат на маргините на самитот Г-20.
„Ние сме решени да дејствуваме така што Иран никогаш да не може да произведе или да се здобие со нуклеарно оружје и изразуваме силна и се поголема загриженост за честите провокативни мерки на Иран на нуклеарно поле, како што се производството на високо збогатен ураниум и метали збогатени со ураниум“, се вели во заедничкото соопштение по
средбата.
Во 2015 година, суперсилите потпишаа историски важен договор со исламската република (наречен JCPOA, Заеднички глобален акциски план), кој требаше да ја спречи да произведе атомска бомба. Во 2018 година, за време на мандатот на Доналд Трамп, Американците еднострано се повлекоа од договорот и повторно воведоа санкции кон Иран, кој, реагирајќи на таквата одлука, постепено се откажа од ограничувањата наметнати врз неговата нуклеарна програма.
Но, Техеран неделава објави дека е подготвен да ги продолжи разговорите во ноември за да го спаси договорот.
„Уверени сме дека сè уште е можно брзо да се постигне и спроведе договор за повторно придржување до Нуклеарниот договор со Иран (JCPOA), со цел да се гарантира на долг рок дека иранската нуклеарна програма е исклучиво мирна и да се предвиди укинување на санкциите“, истакнуваат четворицата лидери во соопштението.
„Тоа ќе биде можно само ако Иран го промени правецот“, предупредија тие.
Лидерите го повикуваа претседателот Ебрахим Раиси да ја искористи оваа можност и да се потруди да работи со добра волја за да се доведат преговорите до успешен крај што е можно поскоро.
„Ова е единствениот сигурен начин да се спречи опасната ескалација која никому не е од интерес“, истакнуваат лидерите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024
Свет
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на богослужбата се појавила една млада Полјачка која тврди дека таа е киднапираната Меди.
Кејт и Гери МекКен испратија порака до присутните, која ја прочита пречесниот Роберт Гладстон: „Жал ни е што не можеме да бидеме со вас вечерва. Ви благодариме што се здруживте. Поминаа 17 години откако беше киднапирана. тешко е да се поверува дека помина толку долго време“.
На бдеењето присуствувала Џулија Вендел (22), која тврди дека таа е ккиднапираната Медлин. Во рацете држела писмо кое имала намера да им го предаде на родителите на киднапираното девојче. „Јас сум Медлин МекКен. Никогаш не престанав да верувам во тоа. Дојдов овде да ги замолам Кејт и Гери да направат ДНК тест”, рекла таа по мисата, а пренесува Дејли Мејл.
„Тие не направија ништо за да докажат дека не сум нивна ќерка. Не, не сум луда. Не сум лажгоа“, додала таа. Во селото Ротли се одржа бдение. Семејството МекКен и понатаму се надева дека нивната ќерка, која сега би имала 20 години, е сè уште жива.
Германската полиција, од друга страна, смета дека Меди е убиена и има намера да го обвини Кристијан Брукнер за злосторството. На осудениот педофил моментално му се суди за пет неповрзани силувања и сексуални престапи.
Во февруари минатата година, Џулија на социјалните мрежи објави под нејзиното корисничко име „@IamMadeleineMcCann“ дека таа е исчезнатото девојче. По ДНК анализата било утврдено дека таа на никаков начин не е поврзана со Медлин. Но, Џулија вчера инсистираше дека таа е Медлин МекКен и дека тоа ќе го докаже.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.