Црна хроника
Кочанчанец се обидел да силува сограѓанин
Во средата околу 9 часот наутро во Кочани на ул.„Скопска“, во подрумска просторија, Н.Т.(1976) од Кочани, извршил силување во обид над Ч.Д.(1954) од Кочани.
Н.Т. го повикал Ч.Д. во подрумската просторија за да му даде пластични шишиња кои ги собирал, по што ја затворил вратата и побарал од него да се соблече гол.
Тој се спротивставил, па Н.Т. со употреба на физичка сила го турнал на подот и се обидел да го соблече, притоа допирајќи го по телото.
Оштетениот успеал да побегне во ходникот, но Н.Т. повторно го вратил назад и се соблекол гол.
Во тој момент, таткото на Н.Т. го слушнал Ч.Д. како вика на помош, по што ја отворил вратата и Ч.Д. успеал да побегне.
Полициската станица од Кочани против Н.Т. поднесла кривична пријава поради постоење на основано сомнение дека сторил КД„Силување во обид“./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена жена во Охрид, разбојник ја турнал и ја ограбил
СВР Охрид поднесе кривична пријава против 36-годишниот Д.М. од Охрид поради постоење основи на сомнение за сторени кривични дела „разбојништво“ и „тешка кражба на дрзок начин“, извести СВР Охрид.
„Тој, на 28.03.2024 на улицата „Марко Нестороски“ во Охрид турнал 84-годишна жена од Охрид и ѝ одзел чанта со пари и лични документи. Притоа, таа паднала и се здобила со тешки телесни повреди. Исто така, пријавениот на улица „Богомолска“ на сличен начин од 65 – годишна жена одзел чанта со пари и лични документи“, соопшти СВР Охрид.
Црна хроника
Физичка пресметка меѓу охриѓанки: по кавга меѓу две деца, се истепаа мајките
Вчера во 14.50 часот во СВР Охрид е пријавено дека на улицата „Ванчо Питошески“ во Охрид, поради меѓусебно недоразбирање помеѓу две малолетни лица, нивните родители 36-годишната П.В. и 35-годишната М.Т., двете од Охрид, го нарушиле јавниот ред и мир со меѓусебна физичка пресметка, извести СВР Охрид.
По целосно документирање на настанот, ќе биде поднесена соодветна пријава.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.