Спорт
Трансферот на Чави под истрага на Ла Лига
Барселона, во 2 часот по полноќ, официјално потврди дека Чави е новиот тренер. Легендата на клубот официјалната промоција ќе ја има во понеделник.
Чави, изминатите две години го предводеше Ал Сад. За ангажманот на чави, Барса ќе плати обесштетување од 1.000.000 евра. Чави ќе потпише две и пол годишен договор со клубот.
Барселона по објавата дека Чави се враќа на „Ноу Камп“, доживеа „студен туш“ од Ла Лига. Претседателот Хавиер Тебас, најави дека Ла Лига темелно ќе го истражи трансферот на Чави.
Ла Лига ќе истражи дали трансферот е регуларен, односно дали Барселона го почитувала финансискиот фер-плеј.
Тебас порачал дека Ла Лига детално ќе ги провери сите детали и доколку бидат пронајдени неправилности, клубот ќе биде казнет.
Барселона има големи проблеми со финансискиот фер-плеј. Поради големиот долг и расходите за плати, Барселона не можеше да го задржи Лионел Меси, а за да го растовари буџетот му дозволи на Антоан Гризман да се врати во Атлетико.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баерн е во завршни преговори со Рагник
Претседателот на фудбалскиот клуб Баерн, Херберт Хајнер изјави дека клубот ги финализира преговорите со Ралф Рангник, кој од следната сезона треба да биде тренер на тимот од Минхен, пренесуваат германските медиуми.
Тренерот на Баерн, Томас Тухел ќе го напушти клубот од Минхен по крајот на сезоната. Рангник, кој моментално е селектор на австриската репрезентација, неодамна потврди дека преговара со тимот од Минхен.
„Рангник е извонреден познавач на фудбалската сцена. Тој има исклучителни вештини за развој на играчи и тимови. Сè што слушнав за австриската репрезентација под негово водство е многу, многу позитивно. Разговорите со него одат во вистинска насока. Ако дојде, тоа ќе биде многу добро решение за нас“, изјави Херберт за „Скај Спортс Германија“.
Германските медиуми тврдат дека Баерн до крајот на неделата би можел да објави дека Рагник ќе го преземе клубот.
„Се надевам дека нема да чекаме предолго. Ќе видиме кога ќе го објавиме конечниот резултат. Брзо ќе дознаеме во кој правец ќе одиме“, изјави Хајнер.
Фудбалерите на Баерн синоќа одиграа во Минхен со Реал без победник, 2:2 во првиот полуфинален натпревар од Лигата на шампионите. Реваншот е закажан за следната среда во Мадрид.
Рангник ја презеде австриската репрезентација во 2022 година, а претходно меѓу другите беше тренер на Манчестер Јунајтед, Лајпциг, Шалке, Хофенхајм, Хановер и Штутгарт. Тој има договор со Фудбалскиот сојуз на Австрија до јуни 2026 година.
Спорт
Шпанскиот сојуз го казни Атлетико Мадрид
Фудбалерите на Атлетико Мадрид ќе мора да ги играат последните два домашни натпревари оваа сезона во шпанската Ла Лига да ги одиграат пред делумно затворени трибини.
Фудбалскиот сјуз на Шпанија го казни клубот поради расиситичкиот испад на неговите навивачи, во саботрата на натпреварпт против Атлетик Билбао. Дел од навивачите го навредуваа Нико Вилијамс. Заедно со затворањето на дел од трибините, Атлетико ќе треба да плати и казна од 20.000 евра.
Последните два домашни натпревари оваа сезона Атлетико ќе ги одигра прптив Селта Виго во 35.коло и Осасуна во претпоследното, 37.коло.
Атлетико моментално е четврти во поредокот, на позиција која ќе води до настап во Лигата на шампионите следната сезона. Тимот на Диего Симеоне има шест бода повеќе од петтопласираниот Атлетик Билбао.
Спорт
Ред Бул и Адријан Њуи спогодбено се разделија
Адријан Њуи, најдобриот дизајнер во модерната ера на Формула 1, го раскина договорот со Ред Бул. Дека двете страни работата на спгодбен раскин на договорот се шепекулираше изминатите денови. Њуи бил решен да го напушти Ред Бул, а ниту Ред Бул не се обиделе да го задржат Њуи.
Ред Бул денеска потврди дека човекот чии креации освоија шест титули во Светскиот шампионат за конструктори и седум во конкуренција на 19. години поминати во лабораториите на Милтон Кејнс, ќе го напушти тимот на крајот на сезоната.
Тимот наведе дека „потребата да бара нов предизвик во кариерата“, го натерала Њуи да си замине, иако долго време се зборува за несогласување меѓу првиот човек на австрискиот тим Кристијан Хорнер според многу мислења најдобриот жив дизајнер на Формула 1 болиди.
„Сакаме да му се заблагодариме на Адријан за сите подвизи во времето кое го поминавме заедно. Тој одигра клучна улога во постигнувањето на неверојатни седум титули кај возачите и шест меѓу конструкторите со вкупно 118 победи, заедно со 101 пол-позиција, вклучувајќи ја и победата на Торо Росо од пол-позицијата во 2007 година“, стои во соопштението кое го обајви Ред Бул.
Допрва ќе се види каква ќе биде иднината на Њуи. Сигурно е дека тој нема да престане да работи. Според медиумите тој може да заврши во еден од овие три тема: Ферари, Мерцедес, Астон Мартин.
Наводно, 65-годишниот Англичанец веќе добиле понуда од Ферари, тим кој се засилува на сите нивоа.
Ако го доведат и Њуи по Луис Хамилтон од Мерцедес, Ферари ќе го добие најтрофејниот возач на сите времиња и најуспешниот шеф за технолошки развој на болидите во Формула 1 од редовите на двата најголеми ривали.