Регион
Црна Гора ги заострува мерките – се забрануваат новогодишни прослави на отворено, свадби и ноќни клубови
Од понеделник, 15 ноември, во Црна Гора стапуваат во сила новите мерки за заштита од ширење на коронавирусот, а тие вклучуваат забрана за прослави, свадби и новогодишни и други масовни собири на отворено.
Предложените мерки првично ќе траат до 1 декември поради влошената епидемиолошка состојба, а министерката Јелена Боровиќ-Бојовиќ вели дека верува оти забраната за собири ќе биде целосно трајна. Таа нагласи дека ситуацијата може да се промени, но посочи дека не верува оти тоа ќе може да се случи бргу.
Новогодишниот базар во Подгорица, додаде таа, ќе се одржува и со посебни мерки, а на организаторот му се упатени насоки. Услов за одржување на Чаршијата е да се постават соодветни огради и да се поседува ковид-потврда.
Во новата мерка е предвидена и забрана за работа на ноќните клубови, а ограничена е и работата на угостителските објекти. Забранети се екскурзии, како и роденденски прослави, а престојот во куќи и станови се препорачува само за членовите на домаќинството.
Како што наведе министерката, владата сѐ уште ја разгледува можноста од 1 декември да воведе обврска за поседување национален дигитален сертификат за целата јавна администрација – здравство, образование, полициска управа и армија.
Таа најави дека од 1 декември ковид-потврдите ќе бидат задолжителни за влез во јавниот превоз, трговските центри, спортските сали, деловните простории и деловните објекти во кои дејност вршат повеќе од три фирми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес го погоди Крит
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.