Спорт
Тие што не го сакаат Роџерс во Јунајтед, заборавиле на својата историја и Мет Базби
Брендан Роџерс, покрај Зинедин Зидан, е фаворит на англиските обложувалници за позицијата на нов менаџер на Манчестер јунајтед, како неизбежна замена за Оле Гунар Солскјер. Додека малкумина би се спротиставиле Зидан, француската играчка и тренерска легенда да седне на жешкото столче, можноста Роџерс, актуелниот менаџер на Лестер да стане прв човек на „Олд Трафорд“ наидува на отпор кај фановите.
И тоа е нормално, бидејќи Роџерс повеќе од три години беше менаџер на лутите ривали Ливерпул, и самиот тогаш призна дека „кога си тренер на Ливерпул, се отпишуваш од можноста да седнеш на клупата на Манчестер јунајтед“.
Меѓутоа, навивачите на „ѓаволите“ треба добро да си ја проучат својата историја, бидејќи едно од најславните имиња поврзувани со Јунајтед, Сер Мет Базби, не само што беше играч на Ливерпул, туку и на другиот лут ривал, Манчестер сити.
Сер Александер Метју Базби, беше шкотски фудбалер кој од 1928 до 1945 година одигра 204 меча за Сити и 115 меча за Ливерпул, но нема да биде запишан во историјата поради тоа. Откако кариерата му беше прекината поради Втората светска војна, тој посака да стане фудбалски тренер, но во Ливерул се сомневаа во неговите квалитети и му понудија да остане како помошник тренер.
Наместо тоа, Базби се пресели 50 километри на исток на „Олд Трафорд“, каде што ја изгради славната генеранција на „Бебињата на Базби“. Осум од тие фудбалери загинаа во страшната авио-несреќа во Минхен, но Базби повторно го изгради тимот, и една деценија подоцна го освои Европскиот куп (сегашната ЛШ), со Јунајтед како прв англиски и втор британски (зад Селтик) со најголемата европска титула. Во вкупно 25 години со клубот, тој освои 13 титули – лигата беше освоена во 1952, 1956, 1957, 1965 и 1967 година, а ФА купот во 1947/48 и 1962/63.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Видео на денот – Марко Ројс како водач на навивачите
Борусија Дортмунд ја пишува приказната на сезоната во Европа, а во центарот на вниманието е клупската легенда Марко Ројс.
Во пресрет на реваншот со Пари Сен Жермен, Ројс официјално објави дека го напушта саканиот клуб на крајот на сезоната, по истекот на договорот.
Не можеше да замисли подобро збогување од финалето на Лигата на шампионите на „Вембли“, каде што беше актер и во 2013 година во поразот од Баерн Минхен.
Токму затоа ова е видеото на денот, Марко Ројс го предводи навивањето по победата над „светците“ во Париз.
Борусија славеше со голот на уште еден ветеран, Матс Хумелс и со вкупен резултат 2:0 се пласира во финалето.
🇩🇪 Marco Reus celebrating with the Dortmund fans last night… 🫂🗣️
𝙄𝙣𝙘𝙧𝙚𝙙𝙞𝙗𝙡𝙚. ⚫️🟡 pic.twitter.com/laOKT95VvJ
— PurelyFootball ℗ (@PurelyFootball) May 8, 2024
Спорт
Реал и Баерн на „Сантијаго Бернабеу“ за пласман во финалето
Вечерва во Мадрид ќе биде познат вториот финалист во Лигата на шампионите.
На стадионот „Сантијаго Бернабеу“ ќе се сретнат Реал Мадрид и Баерн Минхен во реваншот од полуфиналето на Лигата на шампионите.
Првиот натпревар одигран на Алијанц Арената заврши со резултат 2:2.
„Кралскиот клуб“ ќе влезе покомплетен во натпреварот со оглед на тоа што надвор од терените ќе биде само Давид Алаба.
Од друга страна, Томас Тухел нема да може да смета на Рафаел Гереиро и Кингсли Коман, додека знак прашалник ќе биде Дајот Упамекано.
Мадриѓаните сигурно ќе влезат во натпреварот како фаворити, но Баерн покажа дека има доволно квалитет да ги изненади своите ривали и да се обиде да стигне до своето прво финале по 2020 година.
Баерн и Реал досега имаат одиграно 27 натпревари во Лигата на шампионите, што го прави нивното ривалство најголемо во историјата на ова натпреварување.
Во претходните полуфинални натпревари Баерн беше поуспешен и во четири наврати одеше понатаму, додека Реал три пати стигна до финалето кога Баварците му биле противник во полуфиналето. Реал ги доби последните две меѓусебни соочувања во полуфиналето.
Реал е за нијанса подобар во вкупниот скор со 12 победи, додека Баерн има 11, четири натпревари завршиле нерешено.
Победникот на 1. јуни во Лондон на „Вембли“ стадионот, против Борсија Дортмунд ќе игра за европската круна.
Спорт
Гобер повторно е најдобар дефанзивец во НБА
Руди Гобер (31) по четврти пат во кариерата, а првпат во дресот на Минесота Тимбервулвс, е избран за најдобар одбранбен кошаркар во НБА.
Французинот се израмни со Дикембе Мутомба и Бен Валас на вечната листа. Доколку уште еднаш ја добие престижната индивидуална награда, ќе стане апсолутен рекордер.
Како и досега, мислењата и овојпат беа поделени околу тоа дали центарот на Минесота ја заслужил наградата. Недолго откако НБА ја објави оваа вест, се појавија статистички споредби, според кои помладиот соиграч на Гобер од француската репрезентација и прв пик од минатогодишниот драфт, Виктор Вембањама, сезонава е подобар во сите релевантни статистички категории кои ги дефинираат дефанзивните перформанси, но младиот ас на Сан Антонио Спарс ќе мора оваа сезона да се здоволи само со наградата дебитант на годината.
Во својата втора сезона откако беше трејдуван од Јута Џез, Гобер им помогна на Тимбервулфс да станат најдобриот одбранбен тим во лигата, дозволувајќи им на противниците најмалку поени и најниските проценти на шут во НБА.
Гобер, регуларниот дел од сезоната го заврши со просек од 14 поени (66,1% шут), 12,9 скока и 2,1 блокади по натпревар.