Спорт
Уште не е готово! Маестрална бразилска победа на Хамилтон
Луис Хамилтон и Мерцедес во Бразил покажаа дека се подготвени до крај да се борат со Макс Ферстапен и лутите ривали од Ред бул за титулата, стигнувајќи до маестрална победа на Интерлагос и покрај сите казни и дисквалификации кои ги доби седумкратниот светски шампион.
Викендот кој започна со казна од 5 места за неделната трка за Хамилтон поради промена на моторот, доби поинаква димензија во саботата, кога неговиот Мерцедес беше дисквалификуван од пол-позицијата остварена за спринтерската трка поради нерегуларност на нивното задно крило. Хамилтон во саботата стигна од последното место на стартот до 5., поминувајќи неверојатни 15 болиди за 24 круга, за денешната трка да ја стартува од 10. место.
Ова не го спречи Хамилтон да ја покаже супериорноста во текот на тактичката бурна трка во Сао Пауло. Неговиот колега, Валтери Ботас не успеа да ги заддржи возачите на Ред бул, Ферстапен и Серхио Перез на стартот, но со малку среќа и излегувањето на безбедносното возило, Хамилтон по десет круга успеа да дојде на третото место. Откако лесно го помина Перез, тој и неговиот тим се обидоа да направат предност преку прво влегување во боксот, но Ферстапен двапати решаваше да го следи неговиот чекор и на крајот по две влегувања да влезе во боксот.
Откако по првиот обид да го претекне Ферстапен, двајцата завршија надвор од патеката, се веруваше дека Ферстапен ќе добие казна од ФИА, но стјуардите потврдија дека нема да има истражување на инцидентот, во 59. круг, Хамилтон успеа да го помине чисто Ферстапен и да ја потврди победата „бегајќи“ му повеќе од 7 секунди за неколку круга.
Победата го носи Хамилтон на 14 поени зад Ферстапен на три трки до крајот на сезоната, а како што се „наострени“ двајцата возачи и нивните тимови, можеме да очекуваме „искри“ до крајот на сезоната.
Ботас ја заврши трката на третото место, пред Перез во вториот Ред бул, по што следуваше двоецот на Ферари, Шарл Леклер и Карлос Саинс, а во поени беа и Пјер Гасли (Алфа Таури), Фернандо Алонсо (Алпине), Естебан Окон (Алпине) и Лендо Норис (Мекларен).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.
Спорт
Чави инстирал капитенот да остане – Серхи Роберто го продолжи договорот
Капитенот на Барселона, Серхи Роберто ќе потпише нов договор со каталонскиот клуб.
Чави Ернандез им порачал на Деко и Џоан Лапорта дека Роберто има огромно влијание врз младите играчи, дека е вистински лидер и дека како играч во ротацијата се уште е од големо значење.
Роберто е дете на клубот, а многумина со години го гледаат надвор од Барселона, но Чави го штити и го сака во тимот. Навивачите и јавноста се поделени, мислат дека е време за промена на генерациите, иако Роберто има намалена улога на теренот како некогаш Џерар Пике и Жорди Алба.
Сепак, Роберто во неколку наврати прифаќаше намалување на платата, практично сега заработува пет пати помалку од пред три години, што е уште една причина за продолжување на договорот.
Роберто е свесен дека нема да игра многу, но не се гледа себеси надвор од Барселона, каде што ја помина целата своја кариера.
Спорт
(Видео) Кошаркарите на Монако се спасија од линч во Истанбул
Монако избори мајсторка која против Фенербахче ќе ја игра на домашен терен. Екипата од Кенежвството славеше во Истанбул со 65:62 во четвртиот натпревар од серијата.
Тешко извојуваната победа кошаркарите на Монако бурно започнаа да ја славата по последниот звук на сирената. Тоа не име=се допадна на домашните навивачи, кои влего на теренот да се пресемтаат со кошаркарите на Монако.
Од трибините фрлаа трврди предмети, а еден навивач со топка го гаѓаше Блосонгејм кој најгласно ја славеше победата.
„Им се извинувам и на Монако и на Евролигата за инцидентот. Ова не е нашата вистинска слика, ова е неприфатливо. Ова не е Фенербахче, ова не сме ние“, рече тренерпт на Фенербаче, Шарунас Јасикевичиус и дополни
„Се обидуваме да изградиме нешто овде… Мора да преземеме одговорност за ова денес.“
A scuffle broke out after the final whistle of GAME 4 in Istanbul 😳 pic.twitter.com/Si2i0v6H5H
— BasketNews (@BasketNews_com) May 3, 2024