Спорт
„Ферстапен мораше да добие казна. Дипломатијата заврши со трката во Бразил“
Шефот на Мерцедес, Тото Волф, не е задоволен од одлуките што ги носеле од дирекцијата на трката во Бразил. Волф истакнал дека Мерцедес „примил премногу удари в лице“.
Хамилтон беше дисквалификуван во квалификациите за спринт трката. Започна последен, спринтот го заврши на петтотот место. Бидејќи го смени моторот пред трката во Бразил, тој трката ја започна од 10.место.
На крајот Хамилтон забележа супериорна победа, вкупно 101. во кариерата.
Трката ја обележа инцидентот во 48 круг, кога Хамилтон се обиде да помина крај во тој момент водечкиот Ферстапен. На крајот двајцата завршија надвор од патеката. Дирекцијата на трката реши да не го истражува овој инцидент.
„Овој викенд примивме многу удари в лице. Тие одлуки може да одат и за нас, но и против нас. Лут сум поради тоа. Ќе го бранам тимот, возачите. Секогаш инсистирав дипломатски да разговараме за вакви работи, тоа заврши со оваа трка“, рекол Волф.
„Викендов сите одлуки ги носеа против нас. Не дисквалификуваа поради проблемот со задното крило, кое не можевме ниту да го погледнеме. А потоа видовме дека Ред Бул три пати врши поправки на задното крило и тоа во просторот каде што болидите никој не смее да ги допре. Сето тоа им помина без последици. Кулминацијата се случи во трката…Па каква беше таа одбрана на Макс. Одеше преку сите граници, мораше да биде казнет, барем пет секунди. И Макс го знаеше тоа. Смешно е“.
Во пресрет на последните три трки во сезоната, Ферстапен има 14 поени повеќе од Хамилтон. Наредниот викенд Ф1 ќе се вози во Катар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Подгорица – голманот на Будуќности нокаутира соиграч
Будуќност и Сутјеска ремизираа 2:2 во најголемото црногорско дерби. Натпреварот остана во сенка на инцидентот што се случи неколку минути по последниот свиреж на судијатај.
Играчите на Будуќност, по завршувањето на натпреварот застанаа пред северната трибина, беа на рапорт кај навивачите кои од нив побараа да ги соблечат дресовите.
Тогаш голманот Ѓорѓије Павличиќ го нокаутираше соиграчот Игор Ивановиќ.
Павличиќ потоа замина во соблекувалната.
Инаку, Будуќност е втор на табелата со 55 бодови, а Сутјеска е трета со два бода помалку. Дечиќ на четири кола пред крајот на првенството има три бода повеќе и подобар меѓусебен скор во однос на Будуќност.
Спорт
(Видео) Атлетико ја доби битката за Лигата на шампионите
Фудбалерите на Атлетико Мадрид на домашен терен го победија Атлетик Билбао со 3:1 во 33.коло на Ла Лига.
Дербиот на „Цивитас Метрополитано“ беше директна борба за последното место кое води во Лигата на шампионите, следната сезона, а до кое сега се поблиску „јорганџиите“.
Родриго Де Пол им донесе предност на домашните по 15 минути игра. Но првото полувреме мина во сенка на расистичкиот инцидент. Некој од трибините го навреди Нико Вилијамс, поради што натпреварот кратко беше прекинат.
Неколку минуит подцна, помладиот од браќата Вилиујамс го постигна израмнувачкиот гол. На голот му претходеше катастрофалната грешка на Гризмам.
Во продолжението, Анхел Кореа во 52.минута му ја пврати предноста на Атлетико. Аргентинецот погоди по брилијантната аситенција на Коке.
Од тој момент гостите ја презедоа иницијативата, но не успеаја да направат ништо сериозно пред голот на Облак.
Конечниот резултат беше поставен во 80.минута, по ударот на Лино топката од стативата се одби од раката на голманот Симон и заврши во голот.
Атлетико сега има шест бода повеќе од ривалот од Баскија.
Во следното коло двете екипи заминуваат на гости. Атлетико во Мајорка, а Билбао повотрно ќе допатува во Мадрид на дуел со Хетафе.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.