Европа
Шаленберг: Новата мерка против невакцинираните од Ковид-19 веќе дава ефект
Од понеделникот во Австрија е ограничено движењето на невакцинираните од Ковид-19, а новата мерка веќе дава ефект, вели канцеларот Александар Шаленберг.
„Половина милион вакцинирани во Австрија за една недела, од објавувањето на забраната за невакцинирање, токму тоа сакавме да го постигнеме“, вели тој, според написите на медиумите во регионот.
Австријците кои немаат валиден сертификат за вакцинација, потврда за прележан Ковид-19 не постар од 180 дена, од понеделникот не можат да влегуваат на сите места. Сите невакцинирани луѓе со новата одлука можат да го напуштат домот само за да одат на работа, да посетат лекар, да одат во аптека, за физичко и психичко закрепнување или на прошетка, како и за да им помогнат на другите. Тоа им оневозможува целосно да одат во ресторани, барови, дискотеки, но и на концерти или во кино, што сепак е можно само за вакцинираните и излекуваните од коронавирус.
Австријците за почеток решија да го ограничат движењето на невакцинираните до 24 ноември.
Шаленберг, кој неодамна го замени Себастијан Курц, признава дека тоа е тешка мерка која владата не ја усвои лесно, со оглед на тоа што дел од населението е „делумно лишено од слобода“.
„Не се работи за дискриминација. Владата ангажираше правни и уставни експерти. Целта е да се вакцинираат невакцинираните, а не обратно, односно вакцинираните да бидат затворени“, рече канцеларот и додаде дека не може ни да замисли дека две третини од општеството ќе се согласат на карантин од солидарност со невакцинираните.
Австрија се одлучи за новата мерка бидејќи смета дека единствената шанса да се излезе од магичниот круг на пандемијата е да се зголеми стапката на вакцинација.
Дел од медиумите во регионот пренесуваат дека во Австрија владее паника бидејќи седумдневната инциденца се зголемила на 892,7 случаи на 100.000 жители.
Клиниките во Салцбург најавиле дека се преоптоварени и дека ќе треба да изберат кои пациенти ќе ги згрижат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нова експлозија во центарот на Келн, втора за само неколку дена
Во градот Келн на западот на Германија денеска вторпат за само неколку дена одекна мала експлозија.
Експлозијата се случила околу 5 часот по локално време на улицата Еренштрасе во центарот на градот, соопшти полицијата. Експлозијата предизвикала пожар, но тој бргу бил изгаснат, соопшти полицијата. Од таму додадоа дека едно лице, кое се обидело да го изгасне пламенот, избегнало повреда и подоцна било сослушано како сведок, а никој друг не е повреден.
Aktueller #Einsatz
📍Im Bereich #Ehrenstraße gibt es einen #Polizeieinsatz
📍Wir sind mit vielen Einsatzkräften vor Ort und klären die Situation.
📍Wir sperren den Bereich.
❌Bitte meiden Sie großräumig den Bereich. Folgen Sie uns hier und auf Facebook für weitere Informationen pic.twitter.com/lWFeM7GsRf— Polizei NRW K (@polizei_nrw_k) September 18, 2024
Полицијата на социјалната мрежа „Икс“ објави дека е „на местото на настанот со голем контингент полицајци“ и дека „областа се затвора“. Граѓаните беа повикани да ја избегнуваат областа во близина на местото на експлозијата.
Европа
По разорниот циклон, кој ја поплави централна Европа, сега се закануваат лавини
Силниот циклон донесе катастрофални поплави во централна Европа, а беа погодени Австрија, Полска, Чешка, Словачка и делови од Унгарија. На некои локации наврнале над 400 литри дожд на квадратен метар.
Воедно, драстичниот пад на температурата донесе многу силно заладување, па на планините завеја снег.
Снежната линија се спушти на 1.000 метри надморска височина, а падна од 20 до 80 сантиметри снег, локално и повеќе, при што снегот беше проследен со урагански ветрови со брзина од 160 км/ч.
❄️ Il neige encore dans les Alpes autrichiennes ce lundi avec des congères dépassant les 2 mètres dans les stations, comme ici à Obertauern. Un épisode historique en septembre ! (© Hotel Alpenland) pic.twitter.com/A7j6drm74U
— Météo Express (@MeteoExpress) September 16, 2024
Најобилен снег падна на Алпите, особено на Алпите во јужна и западна Австрија, каде што локално на повисоките места наврнаа и до 2 метра снег.
Снегот ги изненади сите, во многу области два месеца порано, а пристигна по летото, кое никогаш не било потопло.
Инаку, снег над 3.000 метри надморска височина е можен и во лето, но ова лето на австриските Алпи над 3.000 метри е забележана низа од повеќе од 65 дена без снег, со температури во плус.
Силниот и обилен снег и снежната бура блокираа многу планински предели.
На Алпите сè уште паѓа снег, а бидејќи е многу влажен, лавините се закануваат во многу области.
Impressive snowline in the Austrian alps today as the weekend deluge (and huge snow dump) develops. pic.twitter.com/TB5Smize9F
— Dave Throup (@DaveThroup) September 13, 2024
Инаку, интересна е и многу острата линија помеѓу снегот и дождот, а оваа остра линија над Линц ја покажува и фотографијата споделена на социјалните мрежи.
Така, додека во долините на Алпите наврнаа повеќе од 200 литри дожд, заедно со поплавите, снегот вееше на над 1.000 метри.
Европа
Борис го напушти регионот над Унгарија и се упати кон југозапад
„Хунгаромет“ на својата фејсбук-страница напиша дека циклонот Борис, кој со денови беше над Унгарија, го напуштил регионот и се упатил кон југозапад.
Одтаму додаваат дека веќе не се очекуваат значителни врнежи.
Како што се наведува, најмногу врнежи имало во Австрија и Чешка, каде што количината дожд надминала 200 милиметри, но многу дожд наврнал и во Словачка и Хрватска.
Во Унгарија најмногу дожд наврна во околината на Сопрон и Мосонмаѓаровар, каде што количината врнежи надмина 100-150 милиметри.
Најмалку 17 лица загинаа во поплавите од Романија до Полска во последните неколку дена.