Спорт
Мерцедес не се откажуваат, бараат казна за Ферстапен
Мерцедес потврдија дека ќе го искористат своето право за „преглед“, односно да протестираат за одлуката на стјуардите на ФИА да не го казнат Макс Ферстапен на Бразилското ГП за моментот кога тој го „истурка“ Луис Хамилтон од патеката.
Ова е епилог на контроверзите во трката, во која Хамилтон беше казнет поради нелегалното задно крило, односно ДРС системот на својот болид со губење на резултатот од петочите квалификации, а потоа и Ферстапен беше казнет 50.000 евра откако го допре крилото на Хамилтон по сесијата.
Германскиот тим и во текот на трката беше изненаден од одлуката на ФИА да не го казни Ферстапен за потегот, а додатни контроверзи донесе признанието на ФИА дека не ја прегледала снимката од болидот на Холанѓанецот. Ф1 денеска, официјално ја објави оваа снимка во која се гледа дека нема намерно менување на правецот во инцидентот, но германскиот тим смета дека мора да има казна.
Max vs Lewis ⚔️
Every angle on their Lap 48 battle ? #BrazilGP ?? #F1 pic.twitter.com/9NLHajCiPv
— Formula 1 (@F1) November 16, 2021
Доколку Ферстапен добие, на пример казна од 5 секунди, ќе го загуби второто место од Валтери Ботас, и така разликата на Ферстапен пред Хамилтон во генерален пласман ќе падне од 14 на 11 поени. Не е јасно кога ФИА ќе ја разгледа ситуацијата и не се знае дали ќе има одлука пред Катарското ГП овој викенд.
Шефот на Мерцедес, Тото Волф по неделната трка изјави дека сите „дипломатски“ работи ќе престанат, односно најави „војна“ во последните три трки, што е последен степен во влошувањето на односите меѓу двата лути ривали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.