Спорт
Мурињо го исполни ветувањето – му купи патики од 800 евра на Афена-Гијан
Рома вчера со 2:0 ја совлада Џенова на гости, благодарение на двата гола на тинејџерот од Гана, Феликс Афена-Гијан, кој ги искористи своите 15 минути игра за да постигне еден фантастичен гол и потоа да ја потврди победата.
Jose Mourinho is a GOAT guys, at 76 minutes of the game it was 0:0 and he make a sub of Afena Gyan 18 years old, inexperienced player in Seria and in 81 minutes he scored his first goal and sum the brace on 95 minutes. Jose Mourinho name must be respected pic.twitter.com/G72leY69al
— Gee (@Munyai_Gundo_) November 22, 2021
По првиот гол, 18-годишниот Афенија-Гијан веднаш истрча до тренерот Жозе Мурињо, кој потоа откри дека головите скапо ќе го чинат.
„Му ветив на Феликс дека ќе му ги купам патиките кои навистина ги сака, кои чинат 800 евра, така што тој истрча да ме потсети. Утре наутро одам на шопинг. Жал ми е за Мистер Даниеле де Роси и неговиот примавера (младински н.з.) тим, но Феликс останува со нас. Сега има деца кои мислат дека знаат се, но Фелиск е скромен и сака да учи“, изјави Мурињо по мечот.
Афена-Гијан му се заблагодари на Португалецот.
„Мурињо има фантастичен карактер, голем менаџер и тренер е. Ти дава мотивација да учиш секој ден. Пресреќен сум што е тука“, изјави младиот фудбалер.
Денеска, Мурињо се пофали дека ја завршил работата и му ги врачи патиките на талентот.
Jose Mourinho honours promise.
Delivers €800 boot to Felix Afena Gyan ? ❤ pic.twitter.com/jBcVPFDAtn
— Saddick Adams (@SaddickAdams) November 22, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).
Спорт
(Видео) Алкараз на удар: „Се распаѓа, изгледа како 78-годишен старец“
Шпанскиот тенисер Карлос Алкараз имаше проблеми со многу повреди во текот на својата кратка кариера.
Последна во низата е повредата на подлактицата која го мачи оваа пролет и поради неа ги пропушти турнирите во Монте Карло, Барселона и Рим.
На оваа тема се зборуваше и во подкастот „Super Moscato“ на добро познатиот RMC.
Водител на емисијата е поранешниот француски рагбист, денес актер и водител Винсент Москато, кој многу го критикуваше 21-годишниот Шпанец.
„Да не бидам досаден, добри супи се прават во стари тенџериња, па еве го Ѓоковиќ, со сите повреди типувам на Ѓоковиќ“, изјави Москато и додаде:
„Алкараз „се распаѓа“. Го боли подлактицата, изгледа како 78-годишен старец. На 20 години раката не ве боли многу. Го гледате ли Алкараз како наследник на Надал? Слушајте ме, ќе јадам стаорец ако се случи тоа“
Алкарас моментално е трет на АТП листата, а полуфиналето ќе го брани на Ролан Гарос.
Спорт
FourFourTwo: Пикси Стојковиќ е најлош од сите селектори на Евро 2024
Сезоната на клупскиот фудбал полека привршува, а стартот на Европското првенство во Германија е се поблиску. За точно 38 дена во Минхен ќе се одигра првиот натпревар на ЕП меѓу Германија и Шкотска.
Специјализираниот фудбалски магазин „FourFourTwo“ во пресрет на првенството објави список на селекторите на сите репрезентации кои според нивната проценка ги рангираше од најдобар до најлош. На првото место е Дидие Дешамп (Франција), а зад него се Лучијано Спалети (Италија) и Јулијан Нагелсман (Германија). Најлош од сите сите селектори според „FourFourTwo“ е Драган Стојковиќ.
Рангирање на сите екипи на Евро според „FourFourTwo“:
1. Дидие Дешамп (Франција)
2. Лучијано Спалети (Италија)
3. Јулијан Нагелсман (Германија)
4. Герет Саутгејт (Англија)
5. Златко Далиќ (Хрватска)
6. Роберто Мартинез (Португалија)
7. Доменико Тедеско (Белгија)
8. Луис де ла Фуенте (Шпанија)
9. Каспер Хјулманд (Данска)
10. Марко Роси (Унгарија)
11. Стив Кларк (Шкотска)
12. Роналд Куман (Холандија)
13. Силвињо (Албанија)
14. Винченцо Монтела (Турција)
15. Вили Сањол (Грузија)
16. Ралф Рангник (Австрија)
17. Франческо Калцона (Словачка)
18. Едвард Јорданеску (Романија)
19. Сергеј Ребров (Украина)
20. Матјаж Кек (Словенија)
21. Мурат Јакин (Швајцарија)
22. Михал Пробиерц (Полска)
23. Иван Хашек (Чешка)
24. Драган Стојковиќ (Србија)