Спорт
Стеф подобар од Сет Кари, Леброн броеше до 39, одлични партии на играчите од Балканот

Голден стејт Вориорс и Финикс Санс ги продолжија победничките серии во НБА-лигата. Водечките екипи во лигата славеа во Фладелфија, односно Кливленд. Изминатата ноќ, Лејкерси, предводени од Леброј Џејмс, победија во Индијанаполис.
Вориорс ја победи Филаделфија 116:96 и покрај тоа што во втората четвртина имаше минус од 19 поени (35:54). Мечот мина во знакот на браќата Кари, Стеф за Вориорс забележа 25 поени и 10 асистенции, а Сет ја предвидеше Филаделфија со 24 поени.
Вориорс со скор од 16 победи и два пораза е лидер во лигата, веднаш зад него е Финикс Санс (15-3). Изминатата ноќ, предводени од Девин Букер (35 поени), Санс победи во Кливленд 120:115.
Леброн Џејмс се врати во тимот на Лејкер спо суспензијата за инцидентот во Детроит и го предводеше тимот со 39 поени.
Лејкерси, по едно продолжение, ги победија Индијана Пејсерс со 124:116.
Покрај Џејмс, кај Лејкерси се истакна и Расел Вестбрук со 20 поени, седум скока и пет асистенции.
Најдобар кај Индијана беше Малком Бронгдон со 28 поени.
Добри настапи за своите тимови изминатата ноќ имаа играчите од просторите на поранешна Југославија.
Јусуф Нуркиќ во поразот на Портланд од Сакраменто 121:125 забележа 28 поени и 17 скока.
Бојан Богдановиќ постигна 19 поени во триумфот на Јута Џез над Оклахома сити Тандер 110:104.
Никола Вучевиќ оствари дабл-дабл од 14 поени и 13 скока во поразот на Чикаго од Хјустон 118:113. Хјустон на овој начин ја прекина серијата од 15 порази.
Богдан Богдановиќ со 18 поени беше еден од најзаслужните за победата на Атланта во Сан Антонио 124:106.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) ПСЖ се спаси од пораз против Стразбур

Фудбалерите Пари Сен Жермен и Стразбур ремизираа 3:3 во дербито на осмото коло од Лига 1.
Луд натпревар беше виден на „Паркот на принцовите“. Домаќинот трган фуриозно, а на крајот мораше да се бори за еден бод.
Сè започна со голот на Баркола во шестата минута, но гостите до полувремето направија пресврт, со головите на Паничели во 26-та и Мореира во 41-та минута.
Паничели дополнително ги загрижи „Светците“ во 49-та минута, а Рамос го врати ПСЖ во игра од пенал во 58-та минута.
Мајулу спаси бод за ПСЖ во 79-та минута.
И на овој натпревар Луис Енрике не можеше да смета на важни играчи – Дембеле, Маркињос, Невеш, Руиз, додека Кварацхеликја, Мендеш и Витиња започнаа од клупата.
ПСЖ го запиша второто последователно реми, и е на чело со 17 бода, еден повеќе од Стразбур.
Спорт
Мареска потврди дека Палмер ќе паузира уште шест недели

Фудбалерот на Челзи, Кол Палмер (23), нема да може да им се придружи на соиграчите уште шест недели поради повреда на препоните, објави тренерот Енцо Мареска.
Палмер не играл од поразот на Челзи од Манчестер Јунајтед на 20 септември.
Тој го напушти теренот во првото полувреме, а Мареска потоа објави дека ќе го одмори до октомвриската репрезентативна пауза, која сега е завршена.
„Згрешив. За жал, тој ќе биде надвор од терените веројатно шест недели“, рече Мареска, исклучувајќи ја можноста за операција.
„Се обидуваме да го заштитиме Кол колку што е можно повеќе и најважно е тој да биде целосно закрепнат кога ќе се врати“, додаде италијанскиот стручњак.
Челзи, кој моментално е седми на табелата во Премиер лигата, во сабота гостува кај Нотингем Форест, кој е 17-ти на табелата.
Спорт
Флик негира дека претседателот на клубот му се меша во работата

Ханси Флик, на прес конференцијата, пред натпреварот со Џирона, бурно реагираше на прашањето дека претседателот на Барселона барал Ламин Јамал да игра против ПСЖ во Лигата на шампионите.
Шпанските медиуми со денови шпекулираат за наводниот конфликт во врвот на каталонскиот клуб, според кој претседателот Џоан Лапорта наводно му наредил на Ханси Флик да го вклучи Ламин Јамал во почетниот состав за натпреварот против ПСЖ, иако 18-годишникот, според изворите, доцнел на задолжителниот состанок на тимот пред дуелот.
„Би сакал да знам од каде доаѓаат тие глупости. Никој во клубот никогаш не ме замолил да направам нешто слично. Тие ми веруваат целосно. Немам што да кријам, познато е дека во Барселона тренерскиот штаб носи спортски одлуки“, рече Флик.
Тој нагласи дека Ламин Јамал не бил казнет и дека неговото место во почетниот состав против ПСЖ е спортска одлука, а не резултат на каков било притисок од раководството.
Да потсетиме дека шпанските таблоиди претходно објавија дека Флик прво планирал да го казни младиот напаѓач затоа што доцнел и дека му рекол дека нема да биде во првиот состав. Сепак, според овие шпекулации, раководството на клубот наводно инсистирало Јамал да го започне натпреварот.
Инаку, Барселона во второто коло загуби од ПСЖ со 1:2.