Црна хроника
Љубоморен кумановец го избодел момчето на поранешната девојка

Љубоморен кумановец со нож го избодел момчето на својата поранешна девојка, соопшти МВР.
Триесетгодишниот кумановец во неделата околу 19 часот ги видел и им пришол на љубовниот пар додека седеле во кафуле на улица „Октомвриска револуција“ во Куманово.
Почнале да се расправаат, па кумановецот извадил нож и неколку пати го прободел во градите триесет и петгодишното момче на неговата поранешна девојка.
Напаѓачот побегнал, а повредениот веднаш бил пренесен во кумановската болница, но поради сериозноста на повредите бил пренесен во Клиничкиот центар во Скопје.
За брзо време напаѓачот бил приведен и против него ќе биде поднесена кривична пријава./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Изгоре куќа во Драчево, нема повредени

Вчера во 21:30 часот во СВР Скопје е пријавено дека во населба Драчево во Скопје настанал пожар во куќа, сопственост на Г.Д.(69) и Д.П.(71), двајцата од Скопје.
Пожарот е изгаснат од екипа на Бригадата за противпожарна заштита Скопје, а повредени лица нема.
Извршен е увид.
Црна хроника
Прегазена жена во Ресен, пренесена е во болница со тешки повреди

Вчера во 10:40 часот во ОВР Ресен е пријавено дека на улицата „Илинденска“ во Ресен, патничко возило „форд“ со ресенски регистарски ознаки, управувано од Д.Ѓ.(68) од Ресен, удрило во пешакот, 74-годишната Ф.Ј. од Ресен.
Во несреќата со тешки телесни повреди се здобила Ф.Ј., констатирани во Клиничка болница Битола.
Извршен е увид од увидна екипа на ОВР Ресен.
Црна хроника
36-годишен маж од Гостивар измамен за сума од 7.200 денари

Вчера во 15:45 часот во СВР Скопје, 36-годишен маж од Гостивар пријави дека бил измамен за сума од 7.200 денари. Според пријавеното, контактирал со едно женско лице, во врска со оглас на социјална мрежа за издавање стан во Скопје.
Откако се договориле, капарот го оставил во угостителски објект на подрачјето на Бит Пазар, како што му било кажано, по што подоцна не можел да стапи во контакт со неа, при што сфатил дека е измамен. Се преземаат мерки за расчистување на случајот.