Пиринејскиот Полуостров е на нозе, постигнат е еден од најважните договори во историјата на шпанскиот фудбал.

Локалниот дневен весник „Возпопули“, кој главно се занимава со политички, економски, финансиски прашања и теми од банкарскиот сектор, објави дека Мигел Анхел Хил Марин, генерален менаџер и клучен акционер на Атлетико Мадрид, постигнал договор за продажба на клубот за рекордна сума од над две милијарди евра.

Атлетико Мадрид ќе биде во мнозинска сопственост на американскиот инвестициски фонд „Аполо“, кој минатата година официјално управуваше со средства вредни над 700.000.000.000 долари.

Целиот договор треба да биде официјализиран во јануари следната година, но точниот датум или рамка за затворање на договорот ќе зависи и од другите партнери, пред сè од фондот „Арес Менаџмент“, кој е создаден од луѓе од „Аполо“, како и од фондот „Квантум Пацифик Груп“, кој е поддржан од израелскиот милијардер Идан Офер, инаку газда на кошаркарскиот клуб Хапоел од тел Авив.

Според информациите на споменатиот извор, крајниот рок за завршување на преговорите бил средината на октомври, но по договорот на сите страни, било одлучено да се помести, со оглед на тоа што е постигнат голем напредок. Претставници на американскиот фонд беа во Мадрид претходните денови за да ги договорат сите детали од договорот.

Извори упатени во преговорите тврдат дека Мигел Анхел Хил Марин и Енрике Серезо ќе задржат одреден удел во клубот, а се истакнува дека не е исклучено еден од другите сегашни акционери да го напушти клубот пред договорот да биде официјализиран.

Веќе некое време во фудбалскиот свет се шпекулира за можна продажба на еден од најголемите фудбалски клубови во Шпанија и Европа.

Американскиот „Аполо“ успеа да излезе како победник пред еден арапски инвестициски фонд, кој наводно има добри односи со семејството Хил Марин, бидејќи е главен спонзор на клубот преку учеството на авиокомпанијата „Ријад Ер“, која го дава своето име на стадионот, а логото на оваа компанија е и на дресовите на Атлетико.

Возпопули нагласува дека не е исклучено арапскиот инвестициски фонд да остане тесно поврзан со Атлетико преку проектот Сиудад дел Депорте дел Атлетико Мадрид, или Градот на спортот.

Станува збор за проект предводен од клубот во соработка со градските власти со цел создавање најсовремен спортски, рекреативен и комерцијален центар на над 265.000 квадратни метри земјиште.

Како што е наведено, трансакцијата ќе се изврши преку зголемување на капиталот на Атлетико, што би му дало на клубот клучна финансиска инјекција за понатамошно непречено работење.

Целта на договорот е да се овозможи понатамошен раст и развој на клубот, со дополнително зголемување на амбициите, што значи дека тимот на Диего Симеоне би можел да прерасне во еден од главните играчи на фудбалскиот пазар во наредните години. Односно, да се зголеми сегашната улога, која не е мала.

Мигел Анхел Хил Марин контролира 70,39 проценти од акциите, при што фондот „Арес“ држи околу 33,96 проценти од тој удел, додека израелскиот милијардер Идан Офер држи околу 27,81 процент од клубот. Остатокот го сочинуваат мали акционери.

Нова ера за Атлетико Мадрид доаѓа со почетокот на 2026 година.

Француската репрезентативка во бијатлон, Јулија Симон (29), во петокот е осудена на условна казна од три месеци затвор и парична казна од 15.000 евра за измама и кражба со кредитни картички, со што нејзиното учество на Зимските олимписки игри Милано-Кортина следната година е доведено во прашање.

Победничката на Светскиот куп во 2023 година и една од најголемите надежи на Франција за медал во биатлон на престојните Олимписки игри ги призна делото пред Кривичниот суд во Албертвил и им се извини на своите жртви, колешката од националниот тим Жастин Браисаз-Буше и физиотерапевтот на репрезентацијата.

„Жал ми е. Не можам да го објаснам мојот гест. Морав да соработувам со психолог за да го разберам ова и да пораснам од ова“, рече најуспешната Французинка во историјата на Светското првенство во биатлон со десет титули, вклучувајќи четири индивидуални.

Симон е обвинета за постојано користење на банкарските картички на своите жртви со кои делела соби за време на спортски натпревари, потрошила вкупно 2.400 евра. Во исто време, таа им украла мали суми пари (помеѓу 20 и 50 евра).

Симон првично негираше сè, но подоцна призна. Француската скијачка федерација (FFS) објави дека дисциплинската комисија ќе се состане „што е можно поскоро“ за да одлучи за случајот на Симон.

Сезоната на Светскиот куп во биатлон започнува на 29 ноември во Остерсунд, Шведска, а најважниот настан во сезоната на зимски спортови ќе бидат Зимските олимписки игри, кои ќе се одржат од 6 до 22 февруари во Милано и Кортина д’Ампецо.

Српскиот шампион, Црвена звезда, вчера загуби во Брага (2:0), во третото коло во Лига Европа. Црвено-белите по три рунди имаат само еден бод и ќе имаат тешка задача да изборат пласман во нокаут фазата.

Резултатот на „Мунисипал“ стадионот во Брага не ги отсликува реално настаните на теренот. Црвена звезда во ниту еден момент не беше конкурентна на теренот. Брага забележа рутинска победа.

Ден по натпреварот, генералниот директор на Црвена звезда, Звездан Терзиќ, и неговите соработници одржаа непријатен состанок со играчите од првиот тим по враќањето од Брага. Играчите биле информирани дека следниот месец уплатата на сметката на сите ќе биде „пократка“ за 10.000 евра.

На состанокот, на фудбалерите им били јасно ставено до знаење дека „ваквиот став кон обврските и дресот што го носат е неприфатлив“.