Спорт
Меси го доби осмиот трофеј „Пичичи“, вечерва и „Златната топка“?
Како загревање за вечерашното доделување на „Балон д’ор“, награда за најдобар играч во изминатата сезона во организација на „Франс фудбал“, Лионел Меси го доби својот осми (и, најверојатно, последен) трофеј „Пичичи“ како најдобар стрелец во шпанската Ла Лига за минатата сезона со Барселона.
Наградата што ја доделува спортскиот весник „Марка“ е за постигнатите 30 гола во 35 меча за Барселона победувајќи го Карим Бензема и Жерард Морено, кои имаа по 23 постигнати гола. Ова беше петта ваква титула за Меси во низа и доаѓа за сезоната пред неговото заминување од Каталонија. Наградата тој ја доби од директорот на „Марка“, Хуан Игнасио Галјардо.
„Благодарам што дојдовте до Париз да ми ја донесете наградата. Не знам дали некој ќе ме надмине, но можам да кажам дека е вистинска чест да бидам во историјата на Ла Лига. Многу сум благодарен“, изјави Меси.
Зад Меси со шест трофеи „Пичичи“ е Телмо Зара, а пет трофеи имаат освоено Алфредо ди Стефано, Уго Санчез и Квини. Ференц Пушкаш има четири награди, а Кристијано Роналдо си замина од Шпанија со три вакви награди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Жоржињо останува во Арсенал
Фудбалерот на Арсенал, Жоржињо го продолжи договорот со клубот.
Арсенал не прецизираше детали од договорот, се работи за краткорочен договор, а британските медиуми објавија дека договорот е продолжен за уште една сезона.
32-годишниот италијански играч за врска се пресели од Челзи во Арсенал минатиот јануари и стана важен играч во тимот на Микел Артета.
Оваа сезона одигра 35 натпревари во сите натпреварувања, а единствениот гол го постигна против Ленс во Лигата на шампионите.
Спорт
Ливерпул ја одредил цената за Дарвин
Дарвин Нуњез неодамна ги шокираше навивачите на Ливерпул со тоа што на Инстаграм ги избриша сите свои фотографии во дресот на клубот. За многумина Ургваецот со овој потег го најавил своето заминување од „Енфилд“.
Шпанските медиуми тврдат дека Нуњез ќе го апушти клубот во летниот преоден рок. Овие извори не ја исклучуваат можноста тој да ја засили Барселона. Наводно и ЛИверпул веќе ја одредил цената за напаѓачот.
Нуњез пристигна во Ливерпул во сезоната 2022/23, за клупски рекорд од 85 милиони евра. Со бонусите трансферот може да дојде и до 100 милиони евра. Уругваецот потпиша договор до летото 2028 година.
Сумата за која Ливерпул би бил подготвен да се откаже од Нуњез е 85 милиони евра.
Барселона во моментов ги нема тие пари, но би можела да ги заработи со прдожбата на неколку играчи во преодениот рок.
Спорт
Феникс Санс го отпушти Франк Вогел
Феникс Санс го отпуштија тренерот Френк Вогел, 11 дена откако беа поразени во првото коло од плеј-офот од Минесота.
„По внимателен преглед на сезоната, заклучивме дека ни треба поинаков тренер за нашиот тим. Ја цениме напорната работа и посветеноста на Френк“, рече генералниот директор на Санс, Џејмс Џонс.
Вогел ја плати цената за катастрофалната серија на Санс во плејофот, бидејќи тие беа поразени од Минесота со 4:0.
Феникс забележа 49 победи во регуларниот дел од сезоната, но сето тоа пропадна со раната елиминација во НБА плејофот.
Вогел на почетокот на сезоната дојде во тимот од Аризона, а претходно работеше со Лејкерс, Орландо и Индијана.
Поранешниот тренер на Милвоки Бакс, Мајк Буденхолцер, како што тврди ЕСПН е најсеризен кандидат за нов тренер на франшизата од Аризона.