Спорт
Роналдо: Шефот на „Франс фудбал“ е лажго!
Кристијано Роналдо во неверојатно груба објава на „Инстаграм“ го нарече уредникот на „Франс фудбал“, Паскал Фере, лажго по неговата изјава дека самиот Роналдо му кажал дека најголемата амбиција во кариерата му е да заврши со повеќе „Златни топки“ од Лео Меси.
Фере во изјава за „Њујорк тајмс“ изјави дека „Роналдо има една амбиција – да се пензионира со повеќе награди ‘Балон д’ор’ од Меси, го знам тоа бидејќи самиот ми кажа“. Роналдо вели дека таков разговор не се случил и дека Фере се промовира самиот со неговата изјава.
„Денешниот исход (наградата уште не е официјално доделена н.з.) ги објаснува изјавите на Паскал Фере, кој вели дека мојата амбиција е да завршам со повеќе ‘Златни топки’ од Лионел Меси. Фере лажеше, го користеше моето име да ја промовира работата што ја има. Неприфатливо е одговорниот за така престижна награда да лаже, со целосно непочитување кон некој што секогаш ги почитувал ‘Франс фудбал’ и ‘Златната топка’. И денеска повторно лажеше оправдувајќи го моето отсуство од гала-вечерата со наводен карантин, кој не постои. Секогаш им честитам на оние што победуваат, спортски и фер како што ја водам мојата кариера од почетокот, така што никогаш не сум против никого. Победувам за мене, за клубовите за кои играм и за оние што ми посакуваат добро. Не победувам против некого. Најголемата амбиција во кариерата ми е да освојувам национални и интернационални титули за клубовите и за мојата репрезентација. Да бидам вистински пример за сите што сакаат да бидат професионални фудбалери. Да го оставам моето име запишано со златни букви во историјата на светскиот фудбал. Ќе завршам со тоа што ќе кажам дека фокусот е на следниот меч на Манчестер јунајтед и за работите што можеме да ги освоиме оваа сезона со моите другари и навивачи. Другото? Другото е само друго?“, вели Роналдо.
View this post on Instagram
Шефот на „Златната топка“: Единствена мотивација на Роналдо е да има повеќе титули од Меси
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.