Свет
Америка со порака до Русија: Повлечете ги војниците од украинската граница или ќе следат тешки санкции
Соединетите Американски Држави ја повикаа Русија да ги повлече своите војници од украинската граница, предупредувајќи дека руската инвазија ќе предизвика санкции потешки од сите досега воведени, пренесуваат светските агенции.
„Не знаеме дали претседателот Владимир Путин донел одлука да изврши инвазија. Знаеме дека тој поставува капацитети да го стори тоа на краток рок, ако така одлучи“, изјави американскиот државен секретар Ентони Блинкен, цитиран од агенциите.
Тој додаде дека ако Русија помине низ конфронтација кога станува збор за Украина, тие јасно ставаат до знаење дека ќе одговорат решително, вклучително и преку економските мерки од кои се воздржуваа во минатото.
Блинкен одби да наведе со какви санкции може да се соочи Русија и ги охрабри Москва и Киев да се вратат на дипломатијата и да го оживеат мировниот план за Источна Украина од 2014 година.
Американскиот државен секретар во Рига, по консултации со министрите за надворешни работи на НАТО и Украина, зборуваше за руската акумулација на повеќе од 90.000 војници во близина на границата, се додава во новинарските извештаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.