Свет
Maж облечен како нинџа со меч нападна две полицајки во Франција
Маж облечен како нинџа нападнал со меч и повредил две полицајки во францускиот град Шербур, а досегашните податоци не укажуваат дека се работи за терористички напад, соопшти полицијата.
Инцидентот се случил околу 16 часот кога полицијата почнала да апси маж поради кражба на автомобил, јавува „Ројтерс“.
Откако полицијата извесно време го бркала низ улиците, човекот, чие име и националност не се наведуваат, удрил во билборд и застанал во близина на бензинска пумпа.
Мажот потоа излегол од автомобилот облечен како нинџа и со јапонски самурајски меч се упатил кон полициското возило.
Првин со катана удрил една полицајка во брадата, а потоа друга во главата. Трет полицаец потоа го застрелал напаѓачот во стомакот и му нанел сериозни повреди, па со хеликоптер бил пренесен во болница.
Двајца полицајци добиле полесни повреди и исто така се пренесени во болница.
Министерот за внатрешни работи, Џералд Дарманен, се огласи на „Твитер“ за да го коментира инцидентот и упати поддршка до полицијата.
„При интервенцијата поради кражба на возила во Шербур, повредени се двајца полицајци. Поддршка за националната полиција“, напиша Дарманен на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.