Манифестации
Битолски книжевни паметења по петти пат во рамките на Битфест
Петгодишнината на нанифестацијата Битолски книжевни паметења, своевиден мал јубилеј и 15-годишнината од постоењето на списанието „Раст“ беа одбележани во рамките на овогодишното издание на фестивалот „Битфест 2015“. На оваа престижна литературна манифестација годинава беа доделени четири парични награди за проза, поезија, драма и за млад автор.
Звуците на прозата и поезијата, прочитани од годинешните лауреати и гости на манифестацијата „Битолски книжевни паметења“, го дополнија прекрасниот природен амбиент во амфитеатарот на Тумбе кафе, каде што уметноста на пишаниот збор се испреплети со убавината на природата.
Битолскиот книжевен круг ги додели годинешните награди во жанровите проза, поезија, драма и наградата за млад автор. Престижната манифестација „Битолски книжевни паметења“ беше поздравена и поддржана од проф. д-р Веле Смилевски, претседател на Друштвото на писателите на Македонија, и Раде Силјан, претседател на Собранието на Друштвото на писателите на Македонија, кои посакаа раст и успеси уште долги години, како и награди за плодните писатели.
Првиот дел од манифестацијата ги донесе наградите и годишните лауреати. Прозаистот, кој е познат по својот карактеристичен реторички пристап во прозата, Блаже Миневски, е годишниот добитник на наградата „Книжевен круг за проза“. За жал, поради спреченост, тој не можеше лично да ја подигне наградата, а истата ќе му биде дополнително врачена.
Познатиот поет Братислав Ташковски, кој во поезијата остави посебен белег на версот преку специфичната вештина која може да се сретне само кај него, ја доби наградата „Книжевен круг за поезија“, која му беше врачена од страна на секретарот на Друштвото на писателите на Македонија, Панде Манојлов.
„Убаво е да се биде овде, во Битола, но уште поубаво е кога колегите ќе се сетат дека некој пишува, твори и создава, па ќе му доделат награда. Наградите не може да се каже дека не се важни. Важни се и значајни, особено ако доаѓаат како плод на долгогодишна работа од областа на поезијата“, истакна добитникот на наградата Братислав Ташковски.
Наградата „Книжевен круг за драма“, која е единствена и уникатна, бидејќи на ниту една манифестација не се доделува ваква, или слична награда, годинава отиде во рацете на Трајче Кацаров, кој во своето творештво ги има опфатено сите видови во литературата, а посебно драмата, која станува и негова професионална определба, како вработен драматург во Народниот театар во Штип. Наградата на Кацаров му ја врачи магистерот по театарска уметност, Зоран Пејковски, претседател на Битолскиот книжевен круг.
„Прв ат добивам едно вакво признание, кое ми е особено драго бидејќи е доделено токму за моето пишување драми. Награди имало многу, тие и не се најважниот фактор во оваа вечер, туку оваа заедничка средба на поезија, проза, љубов и енергија. Благодарност до колегите од Битола кои ми го дадоа ова признание“, истакна добитникот Трајче Кацаров.
На оваа манифестација беше доделена награда и за младите автори, со цел да им се даде поддршка во однос на нивната работа и творење, за да ги реализираат своите книжевни соништа. Младиот поет Игор Крајчев ја доби престижната награда „Книжевен круг за млад автор“, која му беше врачена од страна на главниот и одговорен уредник на Ревијата за литература, култура и уметност „Стожер“ на Друштвото на писателите на Македонија, Петре Димовски“.
„Искрено, не ја очекував оваа наградата. Таа е втората прекрасна работа која ми се случи денес, со оглед на фактот што изутринава станав татко. Возбуден сум и среќен и секако дека оваа награда ќе биде предизвик и мотив за натамошни мои творби“, рече Игор Крајчев.
Манифестацијата беше збогатена со присуството на ректорот на Универзитетот „Св.Климент Охридски“ од Битола, проф. д-р Златко Жоглев. Тој одржа беседа во чест на сите добитници на наградите, осврнувајќи се на секој посебно. Жоглев во поединечните беседи се задржа на најважните моменти од животот на добитниците на наградите, нивните дела како и упатените позитивни критики за нивните досегашни творби.
Свој придонес во натамошниот тек на манифестацијата „Битолски книжевни паметења“ имаа и неколку други писатели и поети. Извадоци од своите дела прочитаа Виолета Танчева – Златева, која е автор на неколку поетски и прозни дела, како и Борче Панов, плоден поет од источниот дел на Македонија.
Во рамките на манифестацијата „Битолски книжевни паметења“ беше промовиран најновиот број на списанието „Раст“, чија значајност е веќе етаблирана на нашите простори. Секретарот на Битолскиот книжевен круг, која е воедно и подготвувач на списанието, Весна Мундишевска-Велјановска, го претстави последното издание. Таа, воедно, истакна дека и овде се поместени голем број песни на поети од нашето поднебје, како и други текстови и дела од различен литературен жанр. На овој начин успешно беше реализирано јубилејното 5-то издание на „Битолските книжевни паметења“, кое покрај наградите, донесе нова средба на писателите од сите краеви на Македонија./крај/мф/ес
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Полска вечер на „Охридско лето“ со концертот на гудачкото дуо Салвадор
Полската вечер во рамките на годинешното издание на „Охридско лето“ го носи концертот на гудачкото дуо Емануел и Емилија Салвадор.
За виолинистот Емануел Салвадор специјализираниот магазин „Страд“ пишува дека е еден од најдобрите виолинисти од неговата генерација. Студирал и на Кралскиот колеџ за музика во Лондон. Емануел Салвадор има снимено неколку албуми и реализирано успешни концертни турнеи во Југоисточна Азија, Кина, Јапонија и САД.
Емилија Гох Салвадор како уметник на виола има дипломирано со највисоки оценки на музичката академија „Јан Падеревски“ во Познан во класата на проф. Доминик Рутовски. Во 2008 година го основа гудачкиот оркестар „Балтик Неополис“.
Култура
Утре, во Трпејца, почнува 12. издание на манифестацијата „На зајдисонце“
Во организација на здружението „За Трпејца со љубов“ и под покровителство на Општина Охрид, од утре до 28 јули, 12. пат оваа туристичка населба и гостите ќе дишат во ритамот на новото издание на културно-забавната манифестација „На зајдисонце“.
Утре, четврток, на отворената сцена во Трпејца, од 20.30 часот, во името на покровителот, Општина Охрид, манифестацијата за отворена ќе ја прогласи заменик-градоначалникот Перчо Божиноски.
Приустните ќе може да ја видат изложбата на дела од Интернационалната уметничка колонија, која се одржува во Трпејца, а во музичкиот дел ќе настапат Влатко Броз и диџеј Марама.
В петок во истиот термин публиката ќе може да се запознае со минатото на дел од околината на Трпејца. Младиот Петар Симоноски ќе прикаже видеопрезентација на тема: „Тврдина Осој од VI век“.
Викендот е резервиран за документарни филмови. В сабота навечер публиката ќе го гледа документарно-туристичкиот филм „Трпејца на дланка“, работен по сценарио на Милчо Јованоски.
Следната вечер од 20.30 часот публиката ќе се запознае со Љупчо Паункоски и неговиот документарен филм „Охридските пливачки легенди“.
Неделното утро е резервирано за традиционалната прошетка на домаќините и гостите по патеката Чоколско.
В понеделник, на 24 јули, во Трпејца ќе гостува бендот „3.0“ (три промили), а денот потоа е резервиран за традиционалната кајакарска регата „Номче Митрески“ и натпреварот во пливање.
Вечерта е резервирана за прошетката „Со кајче по езерото“.
В среда, на 26 јули, од 19.30 часот, посетителите на манифестацијата „На зајдисонце“ ќе може да учествуваат на атрактивната трка со куфери по скалинадата во Трпејца.
Час подоцна, ќе следува интересната видеопрезентација „Пчелите ќе го спасат светот“ од Петар Стојаноски од фирмата „Органски природен мед“ од Трпејца.
Претпоследната вечер од културното лето во Трпејца е резервирана за драмското студио „Цвет 75 “ од Охрид, под раководство на Драгана Боцевска. Младите актери ќе ја одиграат претставата „Пепелашка од Охрид“.
На крајот од дванаесеттото издание на „Зајдисонцето“, охридскиот сликар, фотограф и филмофил Ѓоко Симјаноски ќе гостува со изложбата на портрети „Беше еднаш Холивуд“.
Летото во свој стил со пародијата „Дојдете во Трпејца“ ќе го затворат познатата македонска актерка Марија Кондовска и угостителот Марјан Митрески-Мац.
Култура
Заврши 57. фестивал „Војдан Чернодрински“ во Прилеп: „…Медеја“ е најдобра претстава
Синоќа со врачувањето на наградата за претставата „Се викам Медеја“ (My Name is Medeja) на Народниот театар од Битола за најдобро уметничко остварување во целина заврши 57. фестивал „Војдан Чернодрински“ во Прилеп.
Награда за најдобра режија доби Себастијан Хорват, за најдобра главна женска улога – Илина Чоревска, за најдобра музика – Драго Ивануша и за најдобар рекламен материјал – Сашо Илковски.
Скопскиот Драмски театар и претставата „Чудна случка со кучето во ноќта“ освои 5 награди, меѓу кои и за главна машка улога за Дамјан Цветановски и за најдобра женска епизодна улога за Емилија Мицевска.
Наградени беа и Турскиот театар за претставата „Човек перница“, како и Прилепскиот театар за „Мистерија Буфо“ и на Театарот за деца и младинци, за „Роња, ќерката на ограбувачот“.
Наградата за современа сценска драматизација ја доби Лидија Митоска-Ѓоргиевска за „Мистерија Буфо“.
Наградата за млад актер „Трајко Чоревски“ ја доби Хакан Даци за улогата на Катуриан во претставата „Човек перница“ во изведба на Турскиот театар од Скопје, копродукција со „Машина продакшн“ и „Пик продукција“. За истата претстава, за улогата на Микаил, актерот Дин Ибрахим ја доби наградата за најдобра машка епизодна улога. Наградата за млада актерка ја доби Матеа Јанковска за Роња во „Роња, ќерката на ограбувачот“ на Театар за деца и младинци од Скопје.
Со свечената вечер со наградените на финалето на „Черондрински“ и со изведбата на „Последниот балкански вампир“ на Дејан Дуковски и Александар Поповски, на Српското народно позориште од Нови Сад, се спушти завесата на годинешниот МТФ „Војдан Чернодрински“, со најава за нова свежина и афирмација на македонската драма вгодина.
„Драги нелегални имигранти, вратете се дома за празниците!“, порача американско министерство
Министерството за внатрешна безбедност на САД објави графика слична на божиќна честитка на X, повикувајќи на депортација на луѓе кои...
Во наредните десет дена изменет сообраќаен режим на автопатската делница во изградба од селото Требеништа до селото Мешеишта
СВР Охрид информира дека од денеска во наредните десет дена, на сила ќе бидат измените на сообраќајниот режим на автопатската...
(Видео) Зеленски: Искористете ги руските средства за одбрана, не плашете се од закани
Украинскиот претседател Володимир Зеленски, по денешната прес-конференција во Брисел, се огласи на социјалните мрежи за дополнително да го разјасни својот...
(Видео) Собрани над 2,5 милиони долари за херојот што го спречи напаѓачот од Сиднеј
Ахмед ал-Ахмед, 43-годишен продавач на овошје од сириско потекло, стана национален херој по неговата храбра интервенција за време на масакрот...
МОН: Младите во Македонија ја менуваат перцепцијата за тутунот, неговата употреба се намалува, но се зголемува на електронските цигари
„Во образовниот систем во Македонија одамна е поставен механизам за превенција од употреба на психоактивни супстанци, но тој мора да...
(Фото) Сиљановска-Давкова ја посети шивалната во КПД Идризово: Секој заслужува втора животна шанса – работењето е клучно за ресоцијализација на осуденичките
Претседателката Гордана Сиљановска-Давкова ја посети шивачката работилница, којашто функционира во рамките на женското одделение во КПУ-КПД Идризово, Скопје, каде оствари...
Недостасуваат 204 судии, Филков најави кадровско зајакнување во 2026 година
Во присуство на претставници на Делегацијата на Европската Унија, на амбасадите во земјава, судии, јавни обвинители, адвокати, Советот на ИКТ,...
(Видео) Петрушевски: Обвинителството треба да истражи каде завршиле речиси 1 милион евра од „Државната лотарија“
Криминалите во Лотарија под раководство на Бајрами и неговиот гуру Груби, а дозволено од страна на СДС се потврди и...
(Видео) Филипче во Брисел ќе бара поддршка за одбрана на демократијата во Македонија
Лидерот на СДСМ, Венко Филипче, најави дека во Брисел ќе бара поддршка за одбрана на демократијата во Македонија по изгласаната...
Скопје меѓу најзагадените градови во светот, не сакаме огномет за Нова година: „Зелен хуман град“ со апел до скопските градоначалници
Активисти на граѓанската иницијатива „Зелен хуман град“ со апел до сите скопски градоначалници да се откажат од огномет за Нова...
Обвинение за директорот на „Комунална хигиена“ – Скопје поради преполните контејнери во главниот град
По спроведена истражна постапка, Основното јавно обвинителство Скопје поднесе обвинителен акт против две лица, кои се товарат дека како соизвршители...
Поднесено обвинение за упадот во просториите на редакцијата на „Инфомакс“
Јавен обвинител ја заврши постапката за прибирање докази и до Основниот кривичен суд Скопје поднесе обвинение против едно лице за...
Грција со реакција на изјавата на Мицкоски: Името Северна Македонија е дел од Уставот
Грчкото Министерство за надворешни работи повтори дека Преспанскиот договор, со кој се реши деценискиот спор за името меѓу Атина и...
Фон дер Лајен: Импресивен напредок на Албанија и Црна Гора, проширувањето на ЕУ, првпат по повеќе од десет години, стана реална можност
Потпретседателката на Европската комисија, Урсула фон дер Лајен, синоќа во Брисел изјави дека Албанија и Црна Гора постигнале импресивен напредок...
Трамп го критикува Бајден: Тој го остави хаосот, јас ја извлеков Америка од работ на пропаст
Во своето обраќање до нацијата во среда вечерта, американскиот претседател Доналд Трамп го критикуваше поранешниот американски претседател Џозеф Бајден за...
Минск е можно место за нова средба меѓу Путин и Трамп
Можна нова средба меѓу рускиот претседател Владимир Путин и американскиот претседател Доналд Трамп би можела да се одржи во Белорусија,...
Шефот на Европскиот совет: Западен Балкан избира да остане во минатото или европска иднина
Западен Балкан може да избере да остане заробен во минатото или да продолжи кон заедничка иднина во Европската Унија, изјави...
Арсовска не знаела дека треба да поднесе имотна состојба по престанокот на мандатот, ја обвини ДКСК за јавен линч
Поранешната градоначалничка на Град Скопје, Данела Арсовска, не знаела дека треба да поднесе имотна состојба по престанок на нејзиниот мандат...
Мицкоски: Поради вештачки причини ние сè уште не можеме да бидеме дел од европското семејство
Поради вештачки причини ние сè уште не можеме да бидеме дел од европското семејство, изјави премиерот, Христијан Мицкоски во Брисел....
(Видео) Кузеска: Фирма со тројца вработени добила 1,2 милион евра за два месеца
„Им благодариме на сите граѓани кои се приклучија и доставија информации и докуметни на нашата дигитална платформа за борба против...
