Црна хроника
Уште петмина заработија пријави за измами

Одделение за перење пари и финансов криминал при скопската полиција до Основниот јавно обвинителство поднесе кривични пријави против пет лица коишто се сомничат за дека организирана измама коишто оштетиле четири фирми од Скопје и од Штип.
Кривични пријави се поднесени проти 43-годшниот С.Д. поради основано сомнение дека сторил кривични дела „измама“ и „употреба на исправа со невистинита содржина“ потоа против 44-годишен Р.П. со прекар Боби и 41 годишен идентификуван со иницијали З.М. и прекар Зија, коишто се сомничат дека сториле кривично дело „измама“, а 42-годишниот В.Ѕ. и 46-годишната М.М. заработија пријави се осомничени дека го сториле кривичното дело „помагање“.
Од страна на Истражен судија, на двајца од оваа група им е одредена мерка притвор во траење од по 30 дена, додека на двајца и е одредна мерката домашен притвор, исто така, во траење од по 30 дена.
Според документираните сознанија од истрагата, пријавените во периодот од април до септември годинава, лажно претставувајќи се како застапници на правните лица „Босерон“ од Неготино, „Рим промет“ од Скопје и „Еуро гранд пром“ од Скопје со издавање лажни банкарски вирмани подигнувале разна трговска стока, доведувајќи ги во заблуда одговорните лица на четири правни лица од Скопје и Штип, при што ги оштетиле за вкупна сума од 325.790 денари.
Пријавените лажно претставувајќи се дека се од наведените фирми порачувале стока, на пример, преден браник за возило „астра ГТЦ“, 40 кутии јајца, 600 килограми пастеризирано кравјо сирење и 5.000 килограми брашно тип-400, од оштетените фирми, по што подоцна се враќале во фирмите со фалсификуван банкарски налог наводно од „Комерцијална Банка“ АД Скопје и „Халк Банка“ АД Скопје со лажен банкарски печат. Потоа, од страна на оштетените фирми стоката ја подигнувале.
Откако од страна на оштетените фирми било констатирано дека за подигнатата стока нема уплати на нивните банкарски сметки, случаите се пријавени во скопската полиција, по што од одоговорните лица е извршено препознавање на пријавените по фотографии.
Од извршените проверки во Централниот регистар на РМ утврдено е дека сопственик на фирмата „Еуро гранд пром“ е првопријавениот, а правните лица „Босерон“ и „Рим промет“ воопшто не се евидентирани во базата на Централниот реистар.
Врз основа на наредба од Основен суд Скопје 1 Скопје бил извршен претрес во домот на петтопријавената каде се пронајдени лаптоп и куќиште за компјутер кои ќе бидат дадени на вештачење со цел обезбедување на доплонителни докази за сторените кривични дела.
Меѓутоа, за оваа петорка има и други пријави од целата територија на земјата. Така, нивна инволвираност е откриена и полицијата во Кавадарци каде бил набавуван мед, во Неготино каде била вршена набавка на камионски гуми и во Струмица каде се набавувале маслинки.
Станува збор за лица коишто биле и претходно пријавувани за слични или исти кривични дела, односно во јуни годинава против нив била поднесена пријава за истите кривични дела извршени на истиот начин при што оштетиле пет правни лица за вкупна сума од 866.941 денари./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.