Спорт
Стеф Кари во храмот на кошарката влезе во историјата на НБА-лигата
Во храмот на кошарката „Медисон Сквер Гарден“ најдобриот шутер на сите времиња, Стеф Кари, влезе во историјата на НБА-лигата. Бекот на Голден стејт вориорс стана играч со најмногу постигнати тројки во историјата. Кари го урна рекордот на Реј Ален.
Кари рекордот го урна во првите пет минути од натпреварот со Њујорк никс. Погоди две тројки од три обиди. За да дојде до бројката од 2.974 му беа потребни 789 натпревари.
2974. (via @NBATV) pic.twitter.com/4t8K6q4dIz
— SLAM (@SLAMonline) December 15, 2021
Рекордот Кари го прослави во прегратките на својата мајка, потоа му честиташе и човекот чии рекорд го урна, Реј Ален.
Steph Curry hugs Ray Allen after breaking his three-point record ? pic.twitter.com/XsKci7cmLv
— NBA TV (@NBATV) December 15, 2021
На крајот не можеше да ги контролира емоциите, тој заплака на клупата.
An emotional moment for the greatest 3-point shooter in NBA history. pic.twitter.com/uctYRr5fer
— NBA TV (@NBATV) December 15, 2021
Кари има постигнато најмалку една тројка на 152 натпревари по ред, што е втората најдолга низа во НБА-историјата. И овој рекорд е во негова сопственост, постигнал најмалку една тројка на 157 натпревари по ред.
Дуелот со Њујорк Кари го заврши со 22 поени и пет постигнати тројки. Вориорси славеа против Никс со 105:96.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.
Спорт
Чави инстирал капитенот да остане – Серхи Роберто го продолжи договорот
Капитенот на Барселона, Серхи Роберто ќе потпише нов договор со каталонскиот клуб.
Чави Ернандез им порачал на Деко и Џоан Лапорта дека Роберто има огромно влијание врз младите играчи, дека е вистински лидер и дека како играч во ротацијата се уште е од големо значење.
Роберто е дете на клубот, а многумина со години го гледаат надвор од Барселона, но Чави го штити и го сака во тимот. Навивачите и јавноста се поделени, мислат дека е време за промена на генерациите, иако Роберто има намалена улога на теренот како некогаш Џерар Пике и Жорди Алба.
Сепак, Роберто во неколку наврати прифаќаше намалување на платата, практично сега заработува пет пати помалку од пред три години, што е уште една причина за продолжување на договорот.
Роберто е свесен дека нема да игра многу, но не се гледа себеси надвор од Барселона, каде што ја помина целата своја кариера.