Спорт
Италијанската финансиска полиција го истражува работењето на менаџерот Рамадани
Финансиската полиција во Италија ги истражува трансферите кои ги реализирал еден од најпознатите менаџери во истошниот дел од Европа, Фали Рамадани. Во истргата се вклучени двете клубови од Серија А и два од Серија Б. Инспекторите влегле во овие клубови за да ги соберат сите неопходни податоци.
Рамадани е обвинет за неплаќање данок и за перење пари. Медиумите објавија дека дел од истрагата е трансферот на Калиду Кулибали во Наполи и продолжувањето на договорот на Маурицио Сари со овој клуб.
Agent Fali Ramadani is under investigation for alleged tax evasion and money laundering and investigators are looking into several transfers, including Kalidou Koulibaly’s move to Napoli and Maurizio Sarri’s contract rescission with the Partenopei. https://t.co/35FUBGVAQ8 #SerieA
— footballitalia (@footballitalia) December 14, 2021
Подоцна листата е проширена, предмет на истрагата станаа и трансферите на Миралем Пјаниќ во Барселона, односно Федерико Кијеза во Јувентус, како и потпишувањето на новиот договор на Самир Хандановиќ со Интер.
Најновите информации од Италија говорат дека се истражуваат и трансферите на четворица хрватски фудбалери.
За финансиската полиција, сомнителни биле договорите на Анте Ребиќ со Милан, Никола Калиниќ со Рома, а потоа и со Верона, односно трансферите на Карло Бутиќ во Торино и Лоренцо Шимиќ во СПАЛ.
Важна напомена е дека клубовите не се предмет на истрагата. Се истражува само работењето на Рамадани и неговиот соработник, Пјетро Чиоди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.