Црна хроника
Кражби низ Куманово – продавачка совладала арамија, па избегал без плен
Неколку разбојништа се случиле во Куманово во саботата вечер, како и ноќта од сабота кон недела, при што биле одземени околу 140 илјади денари.
Продавачката во маркетот „ТСД“ успеала сама да се справи со крадецот кој влегол во дуќанот и и вперил пиштол, барајќи пари. Таа го фатила за рацете, а крадецот успеал да се извлече, испукувајќи еден куршум во таванот и заминувајќи си без плен.
Во истиот град, но овој пат во маркет „Елида“, арамија заканувајќи се пиштол успеал од двете вработени да земе 2.700 денари, по што испукал еден куршум во непознат правец во маркетот и побегнал.
Ноќеска во Куманово, на ул.„3-та М.У.Бригада“, во пекара „Европа“, две маскирани лица и вооружени со пиштол и нож извршиле разбојништво над вработените С.Б.(1971), У.Т.(1988), Б.Д.(1975), сите од Призрен-Р.Косово, и над Р.А.(1988) од Куманово.
Разбојниците им се заканиле и насилно ја отвориле вратата од канцеларијата и од фиоките од работно биро одзеле 100.000 денари и 600 евра, по што избегале.
Во сите случаи полицијата трага по крадците. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.