Спорт
Денвер поразен во Оклахома, Милвоки победи без Јанис

Пет натпревари се одиграа изминатата ноќ во НБА-лигата. Победи забележаа Милвоки, ЛА Клиперс, Орландо, Бостон и Оклахома.
Денвер доживеа пораз од еден од најслабите тимови во лигата, Оклахома. Тандер славеше со 108:94 благодарение на Шеј Гилџус-Александер со 27 поени, 11 скока и 13 асистенции. На спротивната страна, актуелниот МВП, Никола Јокиќ, го одигра најлошиот меч во сезоната. За 24 минути, Јокиќ забележа 12 поени и 7 скока.
Орландо славеше против Атланта 104:98. Атланта не успеа да победи и покрај тоа што Кем Редиш и Џон Колинс заедно постигнаа 62 поена. Редиш беше најефикасен со 34 поени, Колинс постигна 28. Франц Вагнер го предводеше Орландо со 25 поени.
Без Јанис Адетокумбо, Милвоки убедливо го порази Хјустон 126:106. Во отсутво на Адетокумбо, Милвоки до победата го предводеа Џру Холидеј со 24 и Крис Мидлтон со 23 поени.
Бостон славеше во дуелот со Кливеленд 111:101. Кај Селтикс се истакна Џејлен Браун, кој постигна 34 поени, 16 од нив во првата четвртина. Најдобра во редовите на Кливленд беше Даријус Гарланд со 28 поени.
ЛА Клиперс победи во Сакраменто 105:89. Најдобрите стрелци на Клиперси рамномерно ги распоредија поени – Ерик Бледсо постигна 19, а Серж Ибака и Пол Џорџ по 17 поени. Најефикасен играч на мечот беше Тајрис Халибартон со 22 поена и 13 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Аргентина го декласира Порторико – Меси сруши уште еден рекорд

Капитенот на Аргентина, Лионел Меси, сруши уште еден рекорд. Со две асистенции во убедливата победа од 6:0 против Порторико, тој стана најдобар асистент во историјата на репрезентативниот фудбал.
Со вкупно 60 асистенции, тој ги престигна претходните рекордери, Бразилецот Нејмар и легендарниот американски репрезентативец Лендон Донован, кои имаа по 58.
На Меси му недостигаат уште две асистенции, за да дојде до бројката од 400 во својата професионална кариера.
Иако не постигна гол против Порторико во Мајами, 38-годишниот капитен на Аргентина најде нов начин да влезе во фудбалските алманаси.
Во победата на стадионот „Чејс“, Меси им асистираше на Алексис Мекалистер и Лаутаро Мартинез. Овие двајца постигнаа по два гола, а победата ја заокружија Гонзало Монтиел и Стивен Ечеварија со авто-гол.
Тука може да ги погледнете головите.
Спорт
Македонија во баражот за СП ќе биде во третиот или четвртиот „шешир“

Англија прва од европската квалификациска зона обезбеди пласман на Светското првенство, кое следната година ќе се одржи во Соединетите Американски Држави, Канада и Мексико.
Европа на Мундијалот ќе биде застапена со 16 национални тимови. Ситемот е таков што директен пласман обезбедуваат 12-те победници на групите.
Останатите четири селекции од Европа ќе бидат победниците на мини-квалификациските турнири (четири екипи ќе учествуваат на секој).
12 второпласирани од квалификациите и четири победници на групите во Лигата на нации, кои нема да изборат директен пласман на Светското првенство или нема да завршат на второто место во групите, ќе играат во плејофот.
Репрезентациите кои беа победници, без оглед на тоа дали играа во Лигата на нации А, Б, Ц или Д, имаат приоритет.
Во овој момент, четирите репрезентации кои би играле во плејофот се Шведска, Македонија, Северна Ирска и Молдавија. И тие би биле во четвртиот шешир на ждрепката.
Останатите три шешири ќе бидат направени според ранг-листата на ФИФА во ноември, кога ќе завршат квалификациите.
Каква е ситуацијата во овој момент?
Италија, Турција, Украина и Полска би биле во првата „група“, Велс, Унгарија, Шкотска и Чешка во втората, а Словачка, Романија, Албанија и Косово во третата.
Инаку, доколку Македонија го освои второто место во групата, тогаш на ждрепката за баражот ќе биде во третиот „шешир“.
Ќе се игра само еден натпревар, домаќините во полуфиналето ќе бидат избрани од подобрите шешири, а екипите од првиот шешир ќе се сретнат против екипите од четвртиот шешир, а екипите од вториот ќе се сретнат со оние од третиот. Домаќинот на финалето ќе биде одреден со ждрепка.
Фото/ Фудбалска федерација на Македонија
📊 Current FIFA points for teams expected in WC playoffs (as of 14 Oct):
Pot 1: 🇮🇹 1717, 🇹🇷 1570, 🇺🇦 1555, 🇵🇱 1524
Pot 2: 🏴 1519, 🇭🇺 1505, 🏴 1504, 🇨🇿 1485
Pot 3: 🇸🇰 1483, 🇷🇴 1480, 🇦🇱 1401, 🇽🇰 1285
Pot 4: 🇸🇪 🇲🇰 NIR 🇲🇩 (UNL entrants)▪️🇭🇺 with very valuable +6.2 pts. They now…
— Football Meets Data (@fmeetsdata) October 14, 2025
Спорт
Ждрепката за Мундијалот е во декември, ќе учествуваат 42 од 48 репрезентации

Квалификациите за Светското првенство, кое следната година ќе се одржи во Соединетите Американски Држави, Канада и Мексико, се во полн ек. За потсетување, Светското првенство во 2026 година ќе биде најголемото досега и на него ќе учествуваат 48 екипи, 16 повеќе отколку на последното Светско првенство во Катар. Досега пласман изборија 28 репрезентации.
Една третина од учесниците, 16, ќе бидат од Европа. Ќе има девет репрезентации од Африка, осум од Азија, шест од Јужна Америка, како и од Северна и Централна Америка. Едно место беше доделено на Океанија.
Тоа се вкупно 42 репрезентации. Последните шест патници на Светското првенство ќе бидат одредени преку бараж натпревари и интерконтинетални турнири.
Последните четири селекции од Европа ќе бидат победниците на мини-квалификациските турнири (четири екипи ќе учествуваат на секој), додека остатокот од светот ќе ги даде двата финалисти преку Интерконтинеталниот турнир, еден од новитетите на ФИФА.
Интерконтинеталниот куп е турнир што ќе се одржи во Мексико во март 2026 година, поточно во Гвадалахара и Монтереј. Всушност, станува збор за два мини-турнира на кои ќе учествуваат вкупно шест екипи, по три во секој.
На турнирот ќе учествуваат по еден претставник од секоја континентална асоцијација, освен УЕФА, додека КОНКАКАФ (Северноамериканската конфедерација) ќе добие два тима на тој турнир.
По три екипи ќе го играат на двата турнири. Репрезентацијата што е најдобро пласирана на листата на ФИФА ќе чека во финалето.
Останатите два тима ќе играат во полуфиналето. Победниците на мини-турнирот (вкупно две репрезентации) ќе стигнат до Светското првенство на овој начин.
Со оглед на тоа што ждрепката за групите на Светското првенство е на 5 декември, таа ќе ги вклучи имињата на 42 репрезентации и шест неименувани победници на дополнителни квалификациски турнири.
Веќе се познати двајца селекции учеснички на турнирите во Мексико. Нова Каледонија, која беше втора во квалификациите во Океанија и Боливија, која заврши седма во квалификациите за Јужна Америка. Други места се уште се отворени.
На турнирот ќе учествуваат уште две северноамерикански нации кои ќе завршат втори во своите групи (Костарика и Курасао имаат најголеми шанси досега), победникот од плејофот помеѓу Ирак и Обединетите Арапски Емирати и победникот од плејофот од Африка во кој ќе учествуваат четири репрезентации. Тоа се Габон, Нигерија, ДР Конго и Камерун.