Скопје
Реконструкција на водоводна мрежа на улица 1 во село Долно Лисиче
Министерството за транспорт и врски во соработка со општина Аеродром распиша јавен повик за избор на градежна фирма за реконструкција на водоводна мрежа на улица 1 во село Долно Лисиче, општина Аеродром.
Реконструкцијата опфаќа замена на водоводната мрежа на главната линија во должина од 1.450 метри, како и секундарни приклучоци на главната мрежа во должина од 3.210 метри.Проценетата вредност на оваа инвестиција е 22,6 милиони денари, од кои 13,7 милиони денари се обезбедени од буџетот на Министерството за транспорт и врски, а 8,9 милиони денари се обезбедени од општина Аеродром.Проектот за реконструкција на водоводната мрежа во Долно Лисиче е дел од проектот на Владата на Р.М за водоснабдување и одведување на отпадни води што Министерството за транспорт и врски го реализира во соработка со Европската инвестициска банка низ сите 84 општини во Република Македонија.Во рамките на овој проект во тек на реализација се 23 проекти во 20 општини, инвестиција вредна 7,1 милион евра, а до сега реализирани се 42 проекти во 37 општини, инвестиција вредна 12,4 милиони евра. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.
Скопје
Пуштен во употреба новиот парк на булеварот „Февруарски поход“ во Аеродром
Во пресрет на големиот христијански празник Велигден, со интонирање на македонската химна и подигнување на македонското знаме, денеска официјално беше пуштен во употреба новиот парк лоциран на булеварот „Февруарски поход“ во Општина Аеродром.
На денешниот настан присуствуваше градоначалникот на Општина Аеродром, кој заедно со претседателот на советот Дејан Митески, извидниците и дечињата од детската градинка „Буба Мара“, го означија крајот на изведбата на еден важен проект реализиран од страна на општинското јавно претпријатие за комунални дејности.
Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.